තායිලන්තයේ ඩේකෙයාර් එකක වෙඩි තැබීමකින් දරුවන් 24 ක් ඇතුළු 32 ක් ජීවිතක්ෂයට

Ad Code

තායිලන්තයේ ඩේකෙයාර් එකක වෙඩි තැබීමකින් දරුවන් 24 ක් ඇතුළු 32 ක් ජීවිතක්ෂයට

thailand-mass-shooting-many-dead

ඔක්තෝබර් 6 වැනිදා උතුරු තායිලන්තයේ නොං බුවා ලම්පුහිදී දිවාසුරැකුම් ළදරු පාසලක සිදුවූ වෙඩි තැබීමේ සිදුවීමක් වෙත ලෝක අවධානය යොමුවී තිබේ.
කිසියම් පවුල් ප්‍රශ්නයක් නිසා හිටපු පොලිස් නිලධාරියෙකු උතුරු තායිලන්තයේ ළදරු පාසලකට කඩා වැදී, එහි සිටි අයට වෙඩි තබා, පසුව නිවසට පළාගොස් ඔහුගේ බිරිඳ සහ දරුවන්ද මරා දමා සියදිවි නසා ගත්තේය.
තායි පොලිස් මාධ්‍ය ප්‍රකාශක ආර්කොන් ක්‍රෙටාං පැවසුවේ අද දහවල් 12:30 ට පමණ නොං බුවා ලම්පු පළාතේ නා ක්ලැන්ග් දිස්ත්‍රික්කයේ දිවා සුරැකුම් මධ්‍යස්ථානයකදී වෙඩි තැබීම සිදුව ඇති බවයි. සිද්ධියෙන් අවම වශයෙන් 32ක් මියගොස් ඇති අතර මියගිය අය අතර වයස අවුරුදු දෙකේ සිට තුන දක්වා ළමුන් 24 දෙනෙකු සිටින බවද පැවසිණි.


 තුවාල ලැබූ 12 දෙනෙකු සිටින බව තහවුරු කර තිබේ.

සැකකාර 34 හැවිරිදි පන්යා කම්රැප් වෙඩික්කරු මත්ද්‍රව්‍ය භාවිතය හේතුවෙන් පසුගිය වසරේ සේවයෙන් පහ කරන ලද හිටපු පොලිස් නිලධාරියෙකි. සැකකරු අධිකරණයට ඉදිරිපත් කිරීමට දිනකට පෙර මෙම පහරදීම සිදුව ඇත.
වෙඩිතැබීමෙන් අනතුරුව සැකකරු බැංකොක් අංක තහඩුවක් සහිත සුදු පැහැති පිකප් ට්‍රක් රථයකින් පැන ගොස් ඇති අතර, රථයේ ඉදිරිපසට දැඩි ලෙස හානි සිදුවී ඇතැයිද සාක්ෂි තිබිණි. සැකකරු අත්අඩංගුවට ගන්නා ලෙස තායිලන්ත අග්‍රාමාත්‍යවරයා එරට සියලුම ආයතන දැනුවත් කර තිබූ නමුත් ඔහු අල්ලාගන්නට පෙරාතුව වාර්තාවූයේ ඔහු නිවසට ගොස් බිරිය හා දරුවන් මරා දිවිනසාගත් බවයි.
වෙඩි තබන අවස්ථාවෙහිදී සැකකරු සතුව තිබී තුවක්කුවක්, පිස්තෝලයක් සහ පිහියක් තිබී ඇති බව පොලිසිය පවසයි. සමාජ මාධ්‍යවල ඡායාරූප සහ වීඩියෝ ද හුවමාරුවූ අතර ඒවායේදී පන්ති කාමරයක ළමුන්ගේ සිරුරු කිහිපයක් පෙන්වයි. පිටත දෙමාපියන් කෑගසමින් සිටි අතර අවට ගිලන්රථ තිබුණි.


 තායි පොලිසිය නිවේදනය කළේ ඛම්රාප් තම නිවසේදී තම බිරිඳ සහ දරුවන් වෙඩි තබා ඝාතනය කර සියදිවි හානිකරගෙන ඇති බවයි. ප්‍රදේශයේ සියලුම ළදරු පාසල් වසා දමන ලෙස බලධාරීන් නියෝග කර ඇත.

ක්ලැන්ග් දිස්ත්‍රික් නිලධාරි ජිදපා බූන්සම් පැවසුවේ තුවක්කුකරු ඇතුළු වන විට ළමුන් 30 ක් පමණ එහි සිටි බවයි. සැකකරු මුලින් වෙඩි තබා ඇත්තේ මාස අටක ගැබිණියක් වූ ගුරුවරියක් ඇතුළු පහසුකම් සේවකයින් 4-5 දෙනෙකුටය.
මුලින් ඇසුණ අය සිතා ඇත්තේ එහි ගිනිකෙළි සන්දර්ශනයක් පවතින බවය.

කලාපයේ අනෙකුත් සමහර රටවල් හා සසඳන විට තායිලන්තයේ තුවක්කු හිමිකාරීත්වය ඉහළ මට්ටමක පවතින අතර, නිල සංඛ්‍යා ලේඛනවලට නීතිවිරෝධී ආයුධ විශාල ප්‍රමාණයක් නීති විරෝධී ලෙස රට තුළට ඇතුළත් වේ.

නමුත් තායිලන්තයේ සමූහ වෙඩි තැබීම් දුර්ලභ ය,  2020 දී, සොල්දාදුවන් අවම වශයෙන් පුද්ගලයින් 29 දෙනෙකුට වෙඩි තබා ස්ථාන හතරකදී 57 දෙනෙකුට තුවාල සිදු කිරීමත් සමඟ බරපතල වෙඩි තැබීමක් සිදුවිය. 






ඔබේ ප්‍රතිචාරය කුමක්ද?

Read Other News


Close Menu