රනිල් ගෝටාගෝගමට සටන් විරාමයක් ඉල්ලයි

අග්‍රාමාත්‍ය රනිල් වික්‍රමසිංහ ගෝඨා ගෝ ගම විරෝධතාකරුවන්ගෙන් සටන් විරාමයක් ඉල්ලා ඇතැයි වාර්තාවේ.
ඒ අනුව ලබන සඳුදා (23) ගෝඨා ගෝ ගම හි නියෝජිතයින් කිහිප දෙනෙකු හමුවීමට අග්‍රාමාත්‍යවරයා බලාපොරොත්තු වන බව සංචාරක අමාත්‍ය හරීන් ප්‍රනාන්දු මහතා පැවසීය.

රටේ පවතින තීරණාත්මක ගැටලු විසඳීමට රජය සටන් විරාමයක් සහ කාලය සොයන බව ඔහු පැවසීය.

“ගෝටා ගෝ හෝම් දිගටම කරගෙන යා හැකියි. නමුත් විරෝධතාකරුවන්  පැමිණ අප සමඟ සම්බන්ධ විය යුතුයි ඔවුන් කථාබහ කළ යුතුයි  ”ඔහු පැවසීය.

පාර්ලිමේන්තු අධීක්ෂණ කාරක සභාවලට විරෝධතාකරුවන් දෙදෙනෙකු ඇතුළත් කිරීමට අග්‍රාමාත්‍යවරයා බලාපොරොත්තු වන බවද හරින් ප්‍රනාන්දු මහතා පැවසීය.

"අපි නව දේශපාලන සංස්කෘතියක් ගොඩනඟනවා," ඔහු පැවසීය.

ඇතැම් විරෝධතාකරුවන් පාර්ලිමේන්තු මන්ත්‍රීවරුන් 225 දෙනාටම ගෙදර යන ලෙස ඉල්ලා සිටින බව හරීන් ප්‍රනාන්දු මහතා සිහිපත් කළේය.

පාර්ලිමේන්තු අධීක්ෂණ කාරක සභාවලට එක්වීමෙන් පසු මෙම විරෝධතා කරුවන්ගෙන් ඇතැමෙකුට අවසානයේ අවශ්‍ය නම් නව පක්ෂයක් පිහිටුවා විධිමත්ලෙස වෙනසකට සම්බන්ධ විය හැකි බවද ඔහු පැවසීය.