මැරඩෝනා ජීවත්ව සිටියදී තමාට අතවර කළ බව කියමින් කියුබානු කාන්තාවක නඩු මගට

Ad Code

මැරඩෝනා ජීවත්ව සිටියදී තමාට අතවර කළ බව කියමින් කියුබානු කාන්තාවක නඩු මගට

cuban-woman-Alvarez-Rego-says-maradona-abused-her

වසර 20 කට පෙර බාලවයස්කාරියක ලෙස සිටියදී පාපන්දු තාරකාව ඩියාගෝ මැරඩෝනා සමඟ අනියම් සම්බන්ධයක් පැවැත්වූ 37 හැවිරිදි කියුබානු කාන්තාවක, සඳුදා දිවංගත ආර්ජන්ටිනාවේ පාපන්දු තාරකාවට එරෙහිව අපයෝජන චෝදනා  එල්ල කළාය.
ප්‍රචණ්ඩත්වය සහ අපයෝජනය කිරීම, දූෂණය කිරීම සහ ඇගේ කැමැත්ත නැතිව රඳවා තබා ගැනීම ඇතුළු චෝදනා රැසක් ඇගේ පැමිණිල්ලේ සඳහන්වේ.
දැන් මියාමි හි වෙසෙන Mavys Alvarez Rego, නමැති ඇය මාධ්‍ය වෙත පැවසුවේ, මැරඩෝනා, එවකට වයස හතළිස් ගණන්වල සිටි බවත්, ඔහු ඖෂධ ප්‍රතිකාර ලබමින් කියුබාවේ ජීවත් වූ කාලයේ වයස අවුරුදු 16 දී තමාට හමුවූ බවයි.



"මම අන්ධ වුණා, ඔහු මාව දිනුවා ... නමුත් මාස දෙකකට පසු සියල්ල වෙනස් වීමට පටන් ගත්තා"
"මම ඔහුට ආදරය කළා, නමුත් මමත් ඔහුට වෛර කළා, මම සියදිවි නසාගැනීම ගැන පවා හිතුවා," ඇය පැවසුවාය.

මීට වසරකට පෙර වයස අවුරුදු 60 දී හෘදයාබාධයකින් මිය ගිය මැරඩෝනාට චෝදනා කරමින් ඇය පැවසුවේ ඔහු තමාව කොකේන් අත්හදා බැලීමට හුරු කළ බවය.

ඉතිහාසයේ විශිෂ්ටතම පාපන්දු ක්‍රීඩකයෙකු ලෙස ලෙස සැලකෙන මැරඩෝනා  1986 ලෝක කුසලානය ආර්ජන්ටිනාවට ලබා දුන්නේය.
දශක ගණනාවක් කොකේන් සහ මත්පැන් වලට ඇබ්බැහි වූ නිසා ආබාධ ඇතිව සිටි ඔහු පසුගිය වසරේ මිය ගියේ රුධිර කැටියක් මත මොළයේ ශල්‍යකර්මයකට භාජනය වීමෙන් පසුවය.

වයස අවුරුදු 15 සහ හතර වයස්වල දරුවන් දෙදෙනෙකුගේ මවක් වන Alvarez Rego, මැරඩෝනා සමඟ ඇගේ සබඳතාව "වසර හතරත් පහක් අතර" පැවති බවත් ඒ කාලයේ ඇය අපයෝජනයට ලක් වූ බවත් පැවසුවාය.

2001 දී මැරඩෝනා සමඟ බුවනෝස් අයර්ස් වෙත ගිය ගමනකදී, මැරඩෝනාගේ පිරිවර විසින් සති කිහිපයක් හෝටලයක ඇයව රඳවා තබාගෙන, තනිවම පිටතට යාම තහනම් කර, පියයුරු විශාල කිරීමේ සැත්කමකට බල කළ බවද ඇය කියා සිටියාය.

මැරඩෝනා හවානා හි ඔවුන්ගේ නිවසේදී එක් අවස්ථාවකදී ඇයව "දූෂණය" කළ බවත් තවත් ශාරීරික හිංසනයන් කිහිපයක් සිදු කළ බවත් ඇය කියා සිටියාය.

 ආර්ජන්ටිනාවේ "ෆවුන්ඩේෂන් ෆෝ පීස්" රාජ්‍ය නොවන සංවිධානයක් විසින් ගෙන එන ලද මෙම පැමිණිල්ලකට අදාළව මේ සතියේ බුවනෝස් අයර්ස්හිදී ආර්ජන්ටිනාවේ අභිචෝදකයෙකුට සාක්ෂි ලබා දෙයි.

නොවැම්බර් 25 වැනිදාට යෙදෙන මැරඩෝනාගේ මරණයේ පළමු සංවත්සරයට පෙරාතුව, මැරඩෝනා පිළිබඳ රූපවාහිනී කතා මාලාවක කියැවෙන සමහර කතා සමතුලිත කිරීම සඳහා වසර ගණනාවක නිශ්ශබ්දතාවයෙන් පසු  කතා කරන බව Alvarez Rego පැවසුවාය.

චෝදනා එල්ල වී ඇති මැරඩෝනාගේ දූත පිරිසේ සාමාජිකයින් පස් දෙනෙකු සිය නීතිඥවරුන් මාර්ගයෙන් චෝදනා ප්‍රතික්ෂේප කර ඇත. එක් අයෙක් රාජ්‍ය නොවන සංවිධානයට මඩ ගැසීමට එරෙහිව ප්‍රති-පැමිණිල්ලක් ගොනු කර ඇත. 
(ඒඑෆ්පී ඇසුරිනි - Gossiplankanews.com)













ඔබේ ප්‍රතිචාරය කුමක්ද?

Read Other News

Close Menu