සෞදි ආරාබිය මුල්වරට කාන්තාවන්ට ෆුට්බෝල් තරගකිරීමට අවස්ථාව ලබාදේ

දිගු කලක් තිස්සේ කාන්තාවන්ට එරෙහි දැඩි සීමාවන් සම්බන්ධයෙන් පීඩිත රටක් ලෙස සැලකෙන සෞදි අරාබිය, කාන්තා පාපන්දු ක්‍රීඩිකාවන් සඳහා දශක ගණනාවක් පැරණි තහනම ඉවත් කළේ මීට වසර කිහිපයකට පෙර වන අතර, එය දැන් ප්‍රධාන තරඟාවලි සඳහා තරඟ කිරීමට තරම් ශක්තිමත් ජාතික කණ්ඩායමක් වර්ධනය කරදී ඇත.

සෞදි අරාබිය සඳුදා සිය පළමු කාන්තා පාපන්දු ලීගය දියත් කිරීමට සූදානම් වන බවද විදෙස් මාධ්‍ය වාර්තා කරයි.   රියාද්, ජෙඩා සහ දම්මාම් හි තරඟ සඳහා කාන්තා කණ්ඩායම් 16 ක් සහභාගී වේ.ලෝක කුසලානයකට පවා ක්‍රීඩා කිරීමට ඔවුන් අපේක්ෂා කරන බව දේශීය මාධ්‍ය වාර්තාවල දැක්වේ.

අන්ත ගතානුගතික මුස්ලිම් අදහස් නිසා මෙවැනි ක්‍රීඩා එරට තුළ කාන්තාවන්ට තහනම්ව තිබුණි.
සෞදියේ දුර්වල මානව හිමිකම් වාර්තාවන් සහ කාන්තා ක්‍රියාකාරීන් සිරගත කිරීම් ගැන ලෝකයේ කතාබහක්ද ඇතිව තිබුණි.
මේ හේතුවෙන් කලකට ඉහත බිහිවූ ප්‍රතිසංස්කරණ ව්‍යාපාරයේ  නවතම පියවර වූයේ සෞදි පාපන්දු සම්මේලනය කාන්තා පාපන්දු ලීගය පිහිටුවීමයි.
(ඒඑෆ්පී ඇසුරිනි - Gossiplankanews.com)