ලොකයේ වඩාත්ම පිළිගැනීමට ලක්ව ඇති ගෞරවනීය සම්මානය ලෙස සැලකෙන නොබෙල් සාම ත්‍යාගය 2021 වසර වෙනුවෙන් දිනාගනු ලැබුවේ‍ෙ මාධ්‍යවේදීන් දෙදෙනෙකි.
පිලිපීනයේ සත්‍ය හෙළි කරන අන්තර්ජාල බ්ලොග් අඩවියක් පවත්වාගෙන ගිය මාරියා රෙසා සහ රුසියාවේ නිදහස් මාධ්‍යවේදියෙකුවූ දිමිත්‍රි මුරතොව් 2021 නොබෙල් සාම ත්‍යාගය දිනා ගත්හ.
මේ දෙදෙනාම සත්‍ය වාර්තා කිරීමට ගොස් විවිධ ගැටලු වලට මුහුණදීම ගැන ජයග්‍රහණය නිවේදනය කරන වේලාවේ දන්වා සිටි අතර නොබියව කළ සේවය ඇගයුමට ලක්විය.
අද (08) දහවල් නොර්වේහි ඔස්ලෝ නුවරදී නෝර්වීජියානු නොබෙල් කමිටුවේ සභාපතිනි බෙරිට් රෙයිස්-ඇන්ඩර්සන් ජයග්‍රාහකයන්ගේ නම් නිල වශයෙන් දන්වා සිටියේය. නොබෙල් සාම ත්‍යාග කීපදෙනෙකු අතර බෙදී ගිය තෙවන අවස්ථාව මෙයයි.
පසුගිය වසරේ නොබෙල් සාම ත්‍යාගය දිනාගත්තේ ‘ලෝක ආහාර වැඩසටහන යි. විශේෂයෙන් ගැටුම් පවතින ප්‍රදේශ සඳහා ගෝලීය සාගිනි නිවීමට ගත් උත්සාහය වනුවෙන් ය.
මේ වසරේ නාමයෝජනා 329 ක් ලැබී තිබුණ අතර ඒ අතරින් ජයගන්නා අය ගැන ‘ඔට්ටු ඇල්ලීම්‘ ද සිදුවිය.නමුත් එම ඔට්ටු වලට මේ දෙන්නාගෙ නම් නොතිබිණි.ඔට්ටු තරගවලදී ඉදිරියෙන්ම සිටි අය bookies.com නම් කර තිබුනේ පහත පරිදිය.
- ලෝක සෞඛ්‍ය සංවිධානය (කොවැක්ස් සහ ගවි, එන්නත් සන්ධානය ඇතුළුව) 7/4
- දේශසීමා නැති වාර්තාකරුවන් 10/1
- ඇලෙක්සි නවාල්නි 12/1
- ග්‍රේටා තන්බර්ග් 12/1
- ස්විට්ලානා සිඛනෞස්කයා 12/1
- UNFCCC 12/1
- නාදන් නීතිය ක්වුන්-චුන්ග් 16/1
- පලස්තීන මානව හිමිකම් කේන්ද්‍රය 16/1
- බිල් ගෙට්ස් 20/1
- ජෝ බයිඩෙන් 20/1
1901 සිට පිරිනමන මෙම ත්‍යාගය පසුගිය 2020 දක්වා වසර කිහිපයක් හැරුණ කොට දිගටම පිරිනැමුණ අතර සාම ත්‍යාග 101 ක් ප්‍රදානය කර ඇත. මෙතෙක් සංවිධාන 25 ක් ගෞරවයට පාත්‍ර වී ඇත. සාම ත්‍යාග 2 ක් පුද්ගලයින් තිදෙනෙකු අතර බෙදා ඇත. කාන්තාවන් 17 දෙනෙකුට නොබෙල් සාම ත්‍යාගය පිරිනමා ඇත. සාම ත්‍යාගලාභී ලේ ඩක් තෝ පමණක් සාම ත්‍යාගය ප්‍රතික්ෂේප කර ඇත.
මේ අතර නොබෙල් ත්‍යාගය වෙනත් විෂය පථයන්ද සඳහා පිරිනැමෙන අතර මේ සතියේ මෙතෙක්,
සඳුදා නොබෙල් කමිටුව විසින් වෛද්‍ය විද්‍යාව වෙනුවෙන් ත්‍යාගය ඇමරිකානුවන් වන ඩේවිඩ් ජුලියස් සහ ආර්ඩම් පටපූටියන් විසින් මිනිස් සිරුර උෂ්ණත්වය හා ස්පර්ශය හඳුනා ගන්නා ආකාරය සොයා ගැනීම සඳහා ලබා දුන්නේය.
භෞතික විද්‍යාව සඳහා වූ නොබෙල් ත්‍යාගය අඟහරුවාදා සිකුරෝ මනාබේ, ක්ලවුස් හසෙල්මන් සහ ජෝර්ජියෝ පැරීසිට හිමි වූ අතර, දේශගුණික විපර්යාස පිළිබඳ මහජන අවබෝධය පුළුල් කිරීම ඇතුළු සංකීර්ණ ස්වභාවයේ බලවේග පැහැදිලි කිරීමට සහ පුරෝකථනය කිරීමට උපකාර වීම එයට හේතුවිය.
බදාදා බෙන්ජමින් සහ ඩේවිඩ් ඩබ්ලිව්සී මැක්මිලන් රසායන විද්‍යාව සඳහා වූ නොබෙල් ත්‍යාගය ලබා තිබුණි. ඖෂධ සහ පළිබෝධනාශක ඇතුළු සංයෝග සෑදීම සඳහා භාවිතා කළ හැකි අණු සෑදීම සඳහා පහසු සහ පාරිසරික වශයෙන් පිරිසිදු ක්‍රමයක් සොයා ගැනීම ඊට හේතුවිය..
බ්‍රහස්පතින්දා සාහිත්‍යය සඳහා වූ නොබෙල් ත්‍යාගය බ්‍රිතාන්‍යයේ වෙසෙන ටැන්සානියානු ලේඛක අබ්දුල්රාසක් ගුර්නා වෙත පිරිනමන ලද අතර, ඔහු "යටත් විජිතවාදයේ බලපෑම් සහ සරණාගතයින්ගේ ඉරණම කෙරෙහි සම්මුති විරහිතව සහ දයානුකම්පිතව විනිවිද යාම" සඳහා ලියූ කෘතිය පිළිගැනීමට ලක්විය.
අද සාම ත්‍යාගය ඉහත සඳහන් පරිදි පිරිනැමුණ අතර ලබන සතියේ සඳුදා ආර්ථික විද්‍යා ක්ෂේත්‍රයේ ත්‍යාගය පිරිනැමේ.
(ද ගාර්ඩියන් ඇසුරිනි -Gossiplankanews.com)
0 Comments