ජාත්‍යන්තර මුහුදු සීමාවේ ධීවර කටයුතුවල යෙදෙන මෙරට ධීවරයින් සම්බන්ධයෙන් තවදුරටත් දැඩි අවධානයෙන් පසුවන බව ධීවර රාජ්‍ය අමාත්‍ය කංචන විජේසේකර පවසයි.
ඉන්දියාවේ ව්‍යාප්ත වන කොරෝනා වෛරසය හමුවේ ජාත්‍යන්තර මුහුදු සීමාවේදී ඉන්දීය ධීවර යාත්‍රා සමග ගණුදෙනු නොකරන ලෙසට මෙරට ධීවරයින් දැනුවත් කර ඇති බව රාජ්‍ය අමාත්‍යවරයා පැවසුවේය.

මේ අතර ඊයේ දිනයේ මෙරටින් කොරෝනා ආසාදිත 159 දෙනෙකු හදුනාගෙන තිබෙන අතර යාපනය ප්‍රදේශයේ කොරෝනා ව්‍යාප්තිය මේ වනවිට පාලනය කර ඇති බව කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ ප්‍රධානි යුද්ධ හමුදාපති ජෙනරාල් ශවේන්ද්‍ර සිල්වා  පැවසුවේය.