රුහුණ විශ්වවිද්‍යාලයේ හපුගල පිහිටි ඉංජිනේරු පීඨයේ ශිෂ්‍යාවන් දෙදෙනකුට කොරෝනා ආසාදනය වී තිබෙයි.

වසා දමා තිබූ ඉංජිනේරු පීඨය පසුගිය සතියේ තුන්වැනි 3වෙනිදා,
අවසන් වසර සිසුන්ගේ අධ්‍යයන කටයුතු සඳහා යළි ආරම්භ කළ අතර මෙහිදී කිසිම ශිෂ්‍යයකුට විශ්වවිද්‍යාල භූමියෙන් පිටතට යාමට හෝ පිටස්තර පුද්ගලයන්ට ඇතුළට ඒමට ද අවසර ලබාදි නොතිබු බවත් ඔවුන්ට අවශ්‍ය පහසුකම් පිඨය තුලම සපයාදි තිබු බවත් වාර්තා විය.

සිසු සිසුවියන් තම ගම්පළාත්වල ගොස් පැමිණ සිටි බැවින් ඊයේ (04) එම කණ්ඩායම්වලින් තෝරාගත් සිසු සිසුවියන් පිරිසකට PCR පරීක්ෂණ සිදුකර තිබෙන අතර මෙම සිසුවියන් දෙන්නාට කොරෝනා ආසාදිත බව එහිදී තහවුරු විය. සියඹලාපේ සහ මතුගම ප්‍රදේශවල පදිංචිකාරියන් වන ඔවුන්ගේ ආශ්‍රිත පිරිස් නිරෝධායනයට යොමු කිරිමට කටයුතු කර තිබේ.