පානදුර ප්‍රදේශයේ වෙළෙඳ සලක් ඉදිරිපිට ඊයේ (12) දහවල් ඇදවැටුණු පුද්ගලයකු රෝහල් ගතකිරිමෙන් පසු මියගොස් ඇතැයි පානදුර දකුණ පොලිසිය කියයි. මෙසේ මියගොස් ඇත්තේ පානදුර, තන්තිරිමුල්ල,
අංක 178 ලිපිනයේ පදිංචිව සිටි ඩබ්ලිව්. මිත්‍රපාල පෙරේරා නමැති 63 හැවිරිදි පුද්ගලයකු බවද පොලිසිය සඳහන් කරයි. මියගොස් ඇති තැනැත්තා ඥාතියකු සමගින් අවශ්‍යතාවක් සඳහා පානදුර නගරයට පැමිණ සිටියදී ජනප්‍රිය මාවත්තේ වෙළෙඳ සලක් ඉදිරිපිට ඇද වැටී තිබේ.


මෙම ඇදවැටීමෙන් පසුව ඔහු සිය ඥාතියා සමග කතාබහ කර ඇති අතර, ත්‍රිරෝද රථයකින් පානදුර මූලික රෝහලට රැගෙන ගොස් ඇතත් රෝහල්ගත කිරිමේදී මියගොස් ඇති බව රෝහල් ප්‍රකාශකයෙක් පැවසීය.  මෘත දේහය පානදුර මූලික රෝහලේ තැන්පත් කර ඇති අතර, පී.සී.ආර්. පරික්ෂණයක් සිදුකිරිමට නියමිත බැව් පැවසේ.


 -සුමිත් ප්‍රේමතිලක-