බවට සැක කරන රුපියල් එක්ලක්ෂ හැත්තෑ එක්දහසක මුදලක්, විද්‍යුත් තරාදියක්, මත්කුඩු එතීමට ගන්නා ඉටූකොළ හා ත්‍රිරෝද රථයක් පොලිස් බාරයට ගෙන ඇත. හෝමාගම කටුවාන පාර ප්‍රදේශයේ දී කාලයක සිට කොස් වෙළඳාමේ නිරත පුද්ගලයකු ඊසිකෑෂ් ක්‍රමයට හෙරොයින් මත්කුඩු අලෙවි කිරිමේ ජාවාරම ද සිදු කරන බව හෝමාගම මූලස්ථාන ප්‍රධාන පොලිස් පරික්ෂක අජිත් ප්‍රසන්න මහතාට ලද තොරතුරක් අනුව පොලිස් උපාය දූතයන් යොදවා දින කිහිපයක් තිස්සේ සිදුකළ විමර්ශනවල ප්‍රතිඵලයක් ලෙස එය තහවුරු කිරිමට හැකි වූ බව පොලිසිය කියයි.
එම සැකකරුගෙන් දිර්ඝ ලෙස ප්‍රශ්න කිරීමේ දී අනාවරණය වූ තොරතුරු අනුව තොග වශයෙන් මත්කුඩු සපයන සිරගතව සිටින පුද්ගලයාට ඔහු ලවා දුරකථන ඇමතුමක් ලබා දී මත්කුඩු ග්‍රෑම් 40 ක් ඇනවුම් කිරීමෙන් අනතුරුව එම පුද්ගලයාගේ පෙම්වතිය බව කියන කාන්තාව එම මත්කුඩු කොස් වෙළෙඳාම කරන ස්ථානයට ත්‍රිරෝද රථයකින් රැගෙන ඒමෙන් අනතුරුව එම කාන්තාව හා ත්‍රිරෝද රථ රියැදුරු ද අත්අඩංගුවට ගත් බව පොලිසිය කියයි. අනතුරුව සැකකාරිය පදිංචි හෝමාගම උඩුවන නිවස පරික්ෂා කිරිමේදී නිවෙස තුළ සගවා තිබූ තවත් මත්කුඩු ග්‍රෑම් 32 ක් හා ජාවාරමේන් උපයා ගත් මුදල් සොයාගැනීමට හැකි වූ බව පොලිස් නිලධාරියෙක් පැවැසීය. අත්අඩංගුවට ගත් සැකකාරියන් ආරක්ෂිත පියවරක් ලෙස කලින් කලට මරදාන, තලවතුගොඩ ආදී ප්‍රදේශවලට කුලී පදනම මත පදිංචිව සිට මීට සති තුනකට පමණ ඉහත දී හෝමාගම උඩුවන ප්‍රදේශයේ නිවසකට පදිංචියට පැමිණ තිබූ බව පරික්ෂණවල දී හෙළි වූ බව පොලිස් නිලධාරියා වැඩිදුරටත් පැවැසීය. අත්අඩංගුවට ගත් සැකකරුවන් සහ සැකකාරිය හෝමාගම අධිකරණයට ඉදිරිපත් කිරීමට නියමිතව සිටියහ.
