විශේෂිත ආර්ථික මධ්‍යස්ථානය නැවත දැනුම් දෙනතුරු වසා තැබීමට තීරණය කළ බව දඹුල්ල ආර්ථික
මධ්‍යස්ථාන වෙළෙඳ සංගමයේ සභාපති ඡන්න ඇරෑවුල මහතා 07 දින පස්වරුවේ පැවසීය.
නොකිරීම හේතුවෙන් සහ මෙම වෛරස් තත්ත්වය පැතිර යෑමේ දැඩි අවදානම පිළිබඳව බැසිල් රාජපක්ෂ
මහතා සමගත් රාජ්‍ය පරිපාලන හා ස්වදේශ කටයුතු පළාත් සභා හා පළාත් පාලන අමාත්‍ය ජනක
බණ්ඩාර තෙන්නකෝන් මහතා සමඟ වෙළෙඳ සංගමය දීර්ඝ වශයෙන් සාකච්ඡා කොට මෙම තීරණයට එළඹි බව සභාපති ඡන්න මහතා පැවසීය.
දඹුල්ල ආර්ථික මධ්‍යස්ථානය පසුගිය දින තුනේ සිට වසා දමා තිබුණු අතර 08 වන දින නැවත විවෘත
කිරීමට නියමිතව තිබිණි .කෙසේ වෙතත් ඇදිරි නීතිය ලිහිල් වූ අවස්ථාවේ ජනතාවගේ හැසිරීම සහ වෙනත්
ආර්ථික මධ්‍යස්ථාන වල ජනතාව හැසිරුණු ආකාරය පිළිබඳවයි දීර්ඝ වශයෙන් සාකච්ඡා කොට ගොවීන්ගේ
ව්‍යාපාරිකයන්ගේ මෙන්ම ජනතාවගේ ආරක්ෂාව ගැන හිතා මෙම තීරණයට එළඹි බව ඒ මහතා සඳහන් කළේය.
ආර්ථික මධ්‍යස්ථානයට එළවළු සපයන ගොවීන්ගේ නිෂ්පාදන මධ්‍යස්ථාන ව්‍යාපාරිකයින් හරහා මිලදී
ගෙන ඒවා දිවයින පුරා විසිරී සිටින ප්‍රාදේශීය ලේකම් කාර්යාල හරහා බෙදා හැරීමේ නව
වැඩපිළිවෙළක් ක්‍රියාත්මක කොට ඇති බවද හෙතෙම සඳහන් කළේය.
ඒ අනුව විශාල වශයෙන් ජනතාව එක්රැස් නොවීගොවි නිෂ්පාදන පාරිභෝගික ජනතාව අතරට පත් කිරීම
සඳහා අවශ්‍ය පියවර මේ වන විටත් ගනිමින් තිබුණ බවද සභාපතිවරයා වැඩිදුරටත් සඳහන් කළේය.
දඹුල්ල කේ .කේ .ආරියදාස
