[Trending][btop]
[News][stack]

මහමැතිවරණය මැයි 23 බවට ආරංචි

කොරෝනා වසංගත තත්වය අනපේක්ෂිත ලෙස ශ්‍රී ලංකාවේ හිස එසවීමත් ඒ අනුව රටේ අගුලු දැමීමක් සිදුකරන්නට සිදුවීමත් නිසා ව්‍යවස්ථාවේ සඳහන් ආකාරයට මැතිවරණය කලට වේලාවට පවත්වන්නට නොහැකි ගැටලු මතුවිය.
රජය මුහුණ පෑ ප්‍රධාන ගැටලු දෙකින් එකක් වන්නේ මැතිවරණ කොමසාරිස්ට ඡන්දය පවත්වන දිනය නැවත නැවත කල්දැමීමට ව්‍යවස්ථාවෙන් ඉඩක් ලබා නොදීමය. එසේම දෙවැනි ගැටලුව වන්නේ
පාර්ලිමේන්තුව විසුරවීමෙන් පසු රට කරගෙන යාමට අවශ්‍ය මූල්‍ය ප්‍රතිපාදන අනුමත කරගන්නට නම් අප්‍රෙල් 30 න් පසු නැවත පැවති පාර්ලිමේන්තුව කැඳවීමට අවශ්‍ය වීමය.(අගොස්තු දක්වා එම පිරිස වලංගුය)
මැතිවරණයට අදාළ අවසන් වරට නිකුත්ව තිබෙන ගැසට් පත්‍රයේ සඳහන් වන්නේ ජුනි 01 වැනිදාට

ප්‍රථම මහ මැතිවරණය පවත්වා අවසන් කොට නව පාර්ලිමේන්තුව රැස්විය යුතු යැයි කියාය. ඒ අනුව අප්‍රේල් 25 වැනිදා මහ මැතිවරණය පැවැත්විය නොහැකි බවට සභාපතිවරයා දැනුම් දී තිබුණද මැයි 15ට ප්‍රථම නැවැත වතාවක් මැතිවරණ දිනය නම් කිරීමේ අවස්ථාව කොමිසමට හිමිවන අතර රටේ තත්වය අනුව රජයේ කාර්යාල වැඩ අරඹා මැතිවරණය කරගෙන යන්නට හැකි පහසුකම් හා මානව සම්පත තිබේ නම් කොමසාරිස්වරයාට තීරණයක් ගත හැකිය.

රජය රටේ අනෙක් වැඩකටයුතු කෙසේ වෙතත් මැතිවරණ රාජකාරියට බලපාන තැපෑල, ප්‍රාදේශිය ලේකම් කාර්යාල හා රාජකාරීයේ නිරතවන ගුරුවරුන් ඇතුළු විවිධ පාර්ශ්ව නිලධාරීන්ගේ කටයුතු සාමාන්‍ය තත්වයට පත්කිරීමට උත්සුකවී ඇති අතර බොහෝ දුරට මැතිවරණය  මැයි 23 මහ මැතිවරණය පැවැත්වීමට හැකි අයුරින් වටපිටාව සකස් කරමින් යන බව ආරංචි මාර්ග සදහන් කරයි.මැයි 23 මැතිවරණය පැවැත්වුවොත් ජුනි 01ට ප්‍රථම ගැසට් පත්‍රයේ සඳහන් වන පරිදි නව පාර්ලිමේන්තුව කැඳවිය හැකි බැවින් නීතිය අනුව ගැටලුවක් නැති බව පෙන්වා දී ඇත.

නිල නොවන ආරංචි මාර්ගවලින් වාර්තා වන්නේ  යම් හෙයකින් කොරෝනා අර්බුදය සම්පූර්ණයෙන්ම සමතයකට පත්කර ගැනීමට නොහැකි වුවහොත්  දකුණු කොරියාවේ මෙන් ප්‍රදේශ වෙන්කොට අවස්ථා දෙකකදී හෝ තුනකදී මැතිවරණය පැවැත්විය යුතු බවට යෝජනා වී තිබෙන බවයි.
ආරක්ෂිත ක්‍රමවේදයන් අනුගමනය කරමින් මැතිවරණ ප්‍රචාරක කටයුතු මෙහෙයවිය යුතු ආකාරය පිළිබඳව මෙහිදී ආණ්ඩුවේ අවධානය යොමුව ඇති බවද වාර්තාවේ.  මහා පරිමාණයේ රැස්වීම් දැඩි ලෙස සීමා කිරීමටත්, නිවෙස්වලට නොගොස් ඩිජිටල් ක්‍රමයන්ට අනුව මැතිවරණ රැස්වීම් පැවැත්වීමටත්, සෑම පක්ෂයකටම සාධාරණ කාලයක් විද්‍යුත් මාධ්‍ය ඔස්සේ ලබාදීමටත් මෙහිදී අවධානය යොමුව ඇත.

කෙසේ වෙතත් ආණ්ඩුවේ මේ මැතිවරණ පැවැත්වීමේ සූදානම සම්බන්ධයෙන් මැතිවරණ කොමිසමේ සභාපතිවරයා තවම අදහසක් පළ කර නැත. සභාපතිවරයාගෙන් මේ ගැන කළ විමසීම් වලදී කියා තිබුණේ ගැසට් පත්‍රයට අනුව සියල්ල සිදුවිය යුතු බව තමන් පිළිගන්නා නමුත් රටේ පවතින වාතාවරණය සම්බන්ධයෙන්ද විමසීමකට ලක් කළ යුතු බවකි.