පදිංචි වයස අවුරුදු තිස් එකක පියෙකු සහ වයස අවුරුදු හතක පිරිමි දරුවකු මෙසේ කෝවිඩ් 19ට සමාන රෝග ලක්ෂණ ඇති බවට සැකපිට බදුල්ල මහ රෝහලට ඇතුලත් කර ඇත.
මෙම දෙදෙනා ඉකුත් පෙබරවාරි මස 27 වන දින දකුණු කොරියාවේ සිට ශ්‍රී ලංකාවට පැමිණ බණ්ඩාරවෙලට පැමිණ ඇති අතර, නිවසට පැමිණීමෙන් පසු කෝවිඩ් 19 රෝග ලක්ෂණ මතුවීමත් සමඟ බදුල්ල මහ රෝහලට ඇතුළත් කර තිබේ.
මේ අතර දකුණු කොරියාවේ සිට සිය දෙමාපියන් සමඟ දින කීපයකට පෙර මෙරටට පැමිණි මාස හතක් වයසැති සිඟිත්තෙකුට කෝවිඩ් 19 රෝගය වැළදී ඇතැයි සැක සිතා පෙරේදා (03) රාත්‍රියේ බදුල්ල පළාත් මහ රෝහලේ විශේෂ ඒකකයට ඇතුළත් කළ බව බදුල්ල පළාත් මහ රෝහලේ නියෝජ්‍ය අධ්‍යක්ෂ රංජිත් අමරකෝන් මහතා පැවසීය. දරුවා සමඟ ඔහුගේ මව හා පියාද නිරෝධායන කටයුතු සඳහා රෝහලේ විශේෂිත වාට්ටුවකට ඇතුළත් කර ඇතැයිද නියෝජ්‍ය අධ්‍යක්ෂ රංජිත් අමරකෝන් මහතා පැවසීය.
මෙලෙස රෝහල්ගත කර ඇත්තේ දකුණු කොරියාවේ සිට මෙරටට පැමිණි බණ්ඩාරවෙල හීල්ඔය ප්‍රදේශයේ පදිංචි වයස මාස හතක දරුවෙකි. මේ සම්බන්ධයෙන් බදුල්ල පළාත් මහ රෝහලේ විශේෂ ශ්‍රේණියේ හෙද නිලධාරී දර්ශන වීරසේකර මහතාගෙන් කළ විමසීමේදී මෙසේ පැවසීය.
පරික්ෂණ වාර්තා පැමිණෙන තුරු අපට මේ සම්බන්ධයෙන් මීට වඩා යමක් ප්‍රකාශ කරන්න බැහැ.කෙසේ වෙතත් නිරෝධායන කටයුතු ඉතාම සුරක්ෂිත අයුරින් සිදුවෙන බවත් ඔවුන්ට යම් හෙයකින් රෝගය වැලඳී තිබුණත් ඔවුන්ගෙන් රෝගය පැතිර යෑමේ ඉඩකඩක් කිසිසේත් නොමැති බව වගකීමෙන් යුතුව ප්‍රකාශ කරනවා.”
- රවිඳු දසුන්-
