විදුහල්පතිවරයා විසින් කම්මුල් දෙකට සහ කන් දෙකට සිදුකළ පහරදීමකින් රෝගාතුර වී එදිනම දහවල් නාවලපිටිය දිස්ත්‍රික් මහ රෝහලට ඇතුළත් කිරීමෙන් පසු සිදුකළ වෛද්‍ය පරීක්ෂණවලින් කන් දෙකෙහි ඇති වී තිබෙන ආබාධයක් (නිතරම හෝ හඬක් සමඟ ශබ්දය පැහැදිලිව නොඇසීම) පිළිබඳව වැඩිදුර වෛද්‍ය පරීක්ණයක් සඳහා කන පිළිබඳ විශේෂඥ වෛද්‍යවරයකු වෙත යොමුකිරීමට තීරණය කර තිබේ.
බස් රථය ප්‍රමාද වූ බව තමා පැවැසීමත් සමඟ අනෙක් සිසුන් ඉදිරියේ තමන්ගේ කම්මුල් දෙපසට පහරදුන් බවත් එහිදී එක කනකට වැදුණු පහරකදී හෝ හඬක් සමඟ එම කන් ඇසීම අඩු වී ගිය බවද පවසා තිබේ. ඉන් ටික වේලාවකට පසු කම්මුල් දෙක ඉදිමී වේදනාවක් දැනුණු නිසා පන්තියේ සිටි යහළුවන් එකතු වී සිද්ධාලේප ගෑවද අඩුවක් නොවූ අතර කන් වලට වේදනාවක් දැනුණු නිසා පන්තිය භාර ගුරුවරයාට පවසා අවසරගෙන නාවලපිටිය නගරයේ ව්‍යාපාරයක් පවත්වාගෙන යන පියාට පැවැසීමෙන් පසු ප්‍රතිකාර සඳහා රෝහලට රැගෙන ගියවිට නතර කරගත් බවද පවසා තිබේ.
ඒ අනුව තුන්වෙන දිනටත් ඊයේ (20) දිනයේද තෙවන වරටත් මෙම සිසුවා වෛද්‍ය පරීක්ෂණයකට භාජන කර ඇති අතර තවමත් නේවාසිකව ප්‍රතිකාර ලබමින් සිටී.
නාවලපිටිය - අතුල දිසානායක
