වාර්තාවක සඳහන් කර ඇත. මෙම තත්වය සංචාරකයන් අතර ශ්‍රී ලංකාව අප්‍රසාදයට ලක්වීමට හේතුවක් බව ද එම වාර්තාවෙන් පෙන්වා දී තිබේ.
බොහෝ ආයතන විසින් නිකුත් කරන අවසරපත් හා අවසරපත් ගාස්තු ප්‍රදර්ශනය කර ඇති ආකාරයත් වංචාවන් සඳහා මග පාදා ඇති බව ද එම වාර්තාවේ දක්වා තිබේ. සීගිරිය නැරැඹීමට එක් විදේශිකයන්ගෙන් රුපියල් පන්දහසට අධික මුදලක් අයකළද එහි නිසි පරිදි වැසිකිළි පහසුකම් පවා නැති බව ද විශාල මුදලක් වැය කර ඉදිකරන ලද කබානා පවා වසර ගණනාවක් තිස්සේ භාවිතයට නොගෙන වසා දමා ඇති බව ද ඒ අවට ආපනශාලාවල ආහාරවල ප්‍රමිතිය හා පවිත්‍රතාව සම්බන්ධයෙන් නිසි අධීක්ෂණයක් නොකෙරෙන බව ද එම වාර්තාවේ දක්වා තිබේ.
වනෝද්‍යාන අතරින් වැඩිම සංචාරක ආකර්ෂණයක් දිනාගෙන තිබෙන්නේ යාල වන උද්‍යානයයි. එහි පිවිසෙන සෆාරි ජීප් රථයක ගමන් කළ හැකි ප්‍රමාණය හයක් වන අතර ඒ හයදෙනා වෙනුවෙන් ආයතතය අයකරන ගාස්තුව රුපියල් 17,500කි. වාහනයක් ඇතුළු කිරීමට රුපියල් 4,500ක් අය කරනු ලැබේ. එහෙත් ටිකට්පත් ලබාගැනීමත් තමන් විසින්ම පවරා ගන්නා සෆාරි රථ රියැදුරෝ එක් සංචාරයෙක්ගෙන් රුපියල් හයදහස බැගින් අයකරනු ලබන බව ද එමගින් ඔවුන් එක් කණ්ඩායමකින් රුපියල් 13,350ක් වැඩිපුර අය කරගන්නා බව ද එම වාර්තාවේ සඳහන්වේ.
මෙම ස්ථානවලින් අයකරන ගාස්තු හා සැපැයෙන පහසුකම් සම්බන්ධයෙන් අධීක්ෂණය හා නියාමනය සිදුකළ යුත්තේ ශ්‍රී ලංකා සංචාරක සංවර්ධන අධිකාරිය වුවත් ඔවුන් එම වගකීම නිසි පරිදි ඉටු නොකරන බව ද විගණකාධිපතිවරයා සිය වාර්තාවේ සඳහන් කර තිබේ.
-මුදිතා දයානන්ද-
