රත්ගමදී යකඩ පොලු වලින් ගසා සිදු කළ අමානුෂික ඝාතනයට 6 දෙනෙකුට මරණ දඩුවම

Ad Code

රත්ගමදී යකඩ පොලු වලින් ගසා සිදු කළ අමානුෂික ඝාතනයට 6 දෙනෙකුට මරණ දඩුවම

යකඩ පොලු වලින් පහරදී මනුෂ්‍ය ඝාතනයක් කර තවත් අයෙකුට තුවාල කිරීම සම්බන්ධයෙන් වූ නඩුවක තීන්දුව ප්‍රකාශයට පත්කළ ගාල්ල මහාධිකරණ විනිසුරු වසන්ත ජිනදාස මහතා විත්තිකරුවන් හයදෙනාටම අද (19) මරණිය දඬුවම නියම කළා.
රත්ගම දි 2011 ජනවාරි 29 වැනි දින දෙහිගහගේ ගයා චමින්ද නමැති 30 හැවිරිදි දෙදරු පියාට යකඩ පොලුවලින් පහරදි ඝාතනය කිරීම, කස්තුරි ඇල්සන් යන අයට පහරදී තුවාල කිරීම සහ අයුතු ජනරාශියක සාමාජිකයින්වීම ඇතුළු අධි චෝදනා හයක් යටතේ විත්තිකරුවන්ට එරෙහිව මෙම නඩුව පවරා තිබුණා.

මෙසේ මරණ දඬුවම නියම වුයේ මාවඩවිලගේ නිලුක්ෂ මධුශාන් ජයලත්, හලු කීර්ති දිනේෂ් කුමාර, යද්දෙහි නිසල් චන්දන, දඩල්ලගේ ගයාන් සම්පත්, දේනෙත්ති අනුර ප්‍රියන්ත, අගම්පොඩි ඉන්දික ප්‍රසාද් කුමාර යන විත්තිකරුවන් හයදෙනාටයි.

සිද්ධිය වූ දින රාත්‍රි 9.05ට පමණ මියගිය අයගේ නිවස ඉදිරිපිට පිරිමි ළමයින් තිදෙනෙකු ආරවුලක් ඇති කරගෙන ඇති බවත්, එම අවස්ථාවේ එම දෙදරු පියා නිවසින් පිටතට පැමිණ ආරවුල නතරකර ඇති බවත්, පසුව ත්‍රිරෝද රථයකින් පැමිණි විත්තිකරුවන් ඔහුට යකඩ පොලුවලින් පහරදී ඔහුගේ සීයාටද තුවාල කර ඇති බවත් පැමිණිල්ලේ සඳහන් වුණා.



ඔබේ ප්‍රතිචාරය කුමක්ද?

Read Other News


Close Menu