බදුල්ල මහ රෝහල් අධිකරණ විශේෂඥ වෛද්‍ය සඳකැන් වඩුගේ මහතා පැවැත්වූ පශ්චාත් මරණ පරීක්‍ෂණ වාර්තාවේ සඳහන් කර ඇත.
මෙසේ මරණයට පත්වූයේ බදුල්ල මැදපතන පදිංචිව සිටි බදුල්ලේ ප්‍රධාන පාසලක ඉගෙනුම ලැබූ ලක්ෂිකා මධුවන්ති නමැති 18 හැවිරිදි ශිෂ්‍යාවකි.
ඒ අනුව විමර්ශන සිදුකිරීමේදී ඇගේ මිතුරෙකුගෙන් ලැබුණු තොරතුරක් මත කළ සෝදිසියකදි මෙම ශිෂ්‍යයාගේ මෘතදේහය කන්දකැටිය ලොග්ගල්ලාඔය ජලාශයට ජලය සපයන ප්‍රධාන ඇළ මාර්ගගයක තිබී සොයාගත් බව කන්දකැටිය පොලිසිය කියයි.
ඇය දියට පැන්නා ද නැතිනම් කිසිවකු විසින් දියට තල්ලු කරාද යන්න මේතක් අනාවරණය වී ඇති අතර ඒ පිළිබඳව වැඩිදුර එමර්ශන සිදුකරන බව කන්දකැටිය පොලිසිය සඳහන් කළේය.
මරණකාරිය විසින් මිතුරු මිතුරියන් වෙත යැවූ කෙටි පණිවුඩ සහ මෙම ඇළ මාර්ගයට නුදුරින් මහා මාර්ගයේ ව්‍යාපාරික ස්ථානවල ඇති සී.සි.වී.වි. දර්ශන කීපයක් ද මේ සඳහා උපයෝගී කරගෙන තිබේ.
මෙම ශිෂ්‍යාව ඉගෙනීමට මෙන්ම බාහිර ක‍්‍රියාකරකම්වලට හපන්කම් දැක්වූ බොහෝ මිතුරු මිතුරියන් ඇසුරු කළ කෙනකු බව ද විමර්ශනවලදී අනාවරණය වූ බව පොලිසිය සඳහන් කළේය.
බදුල්ල හා කන්දකැටිය පොලිස් ස්ථාන ඒකාබද්ධව මේ පිළිබඳව වැඩිදුර විමර්ශන සිදුකරයි.
