මේ අතර එම විදුහල්පතිරයා සහ අවට පාසලක ගුරුවරයෙකු අතර ඉකුත්දා ඇති වූ ගුටිබැට හුවමාරුවකින් පසුව දෙදෙනාම තුවාල ලැබූ අතර වැලිකන්ද පොලිසියේ මැදිහත් වීමෙන් ඔවුන් රෝහල් ගත කෙරිණ. මෙම ගුටිබැට හුවමාරුව පාසල තුළදීම සිදු වී තිබෙන අතර ගුරු නිවාසයක ගැටලුවක් දුරදිගයාමෙන් මෙම ගුටිබැට හුවමාරුව සිදුවී ඇති බව ද පැවසේ.
මේ අතර වැලිකන්ද ප්‍රාථමිකයේ විදුහල්පතිවරයා දිනපතාම බීමත්ව පාසලට පැමිණෙන අතර දරුවාගේ අධ්‍යාපන කටයුතුවලට ඒ නිසා බාධා පැමිණ තිබෙන බව ද ඔහුට එරෙහිව සිකුරාදා පැවැති විරෝධතාවයේ දී දෙමාපියෝ චෝදනා කළහ.
මේ සම්බන්ධයෙන් වැලිකන්ද කොට්ඨාස අධ්‍යාපන අධ්‍යක්ෂ ඩී.ආර්.ඒ.එල්. සුමිත් රණසිංහ මහතාගෙන් කළ විමසීමක දී ඔහු මෙසේ කීය.
විදුහල්පතිවරයා සම්බන්ධයෙන් මීට පෙරද පෙර වැරැදි ගණනාවක් ඇති බැවින් මීට සබ්බන්ධ සියලු පිරිස් විහාම ක්‍රියාත්මක වන පරිදි මාරු කිරිමට කටයුතු කරනවා. වැලිකන්ද ප්‍රාදේශීය සභා මන්ත්‍රී නුවන් සමරසිංහ මහතා කියා සිටියේ අහිංසක දරුවන්ගේ අනාගතය අඳුරු නොකර මෙම පාසලට හොඳ ගුරුවරුන් ලබා දීමට කටයුතු කරන්නැයි බලධාරීන්ගේ අවධානයට යොමු කරන බවය.
වැලිකන්ද පොලිසිය ප්‍රදේශයේ ආරක්ෂාව තරකර තිබුණි.
(පොලොන්නරුව ත.ග. කරුණාරත්න සහ දිඹුලාගල ජේ.ඒ. ජයකොඩි)
