පිලිසරණ ඉල්ලා පසුගිය කාලයේ මාධ්‍ය ඔස්සේ ආයාචනාවන් කර තිබුණි.
සිනමා නිළියක ලෙස ජනප්‍රිය චිත්‍රපට කිහිපයකටම දායකවූ අනුෂා පසුව මත්ද්‍රව්‍ය චෝදනාවලට ලක්වූ සහකරුවෙකු සමග සිටියදී අත්අඩංගුවට පත්ව දිගු කලක් සිරගතවද සිටියාය. ඇයට එක් පුතෙකුද සිටී.
සිරෙන්
අනතුරුව කුලී නිවාස වල තම මව හා පුතු සමග ඇය දිවි ගෙව්වාය. මාංශපේශී ක්‍රියාකාරීත්වයේ දුර්වලතාව ඇයට ඇගේ මවගෙන් උරුමවූ රෝගයක් බව පුවත්පත්වලට පවසා තිබේ. ඇගේ මව මෙන්ම ඇයද මෙම රෝගයෙන් දැන් පීඩාවෙන් සිටින අතර දෙදෙනාම අවාසනාවන්ත ලෙස රෝද පුටුවේ වැඩි කාලයක් ගත කරන්නට සිදුවන ජීවිතයකට උරුමකම් කියති.
සුළු රැකියාවක් කරන පුතුගේ පිහිටෙන් ඇය ජීවත්වන බවත් පිලිසරණ අවශ්‍ය බවත් පසුගිය කාලයේ පුවත්පත්වලට ඇය පවසා තිබුණි.
කෙසේ වෙතත් දැනට මෙරට ක්‍රියාත්මක සිනමා කලා සංවිධාන බොහොමයක් විවිධ දේශපාලන අරමුණු යුතු වූ නිසාදෝ ඇය ගැන බලන්නට උවමනාවක් වී නොතිබිණි.
මොරටුව, අඟුලාන ‘සයුරුපුර‘ නිවාස සංකීර්ණයෙන් රුපියල් මිලියන 03ක් පමණ වටිනා නිවසක් පරිත්‍යාග කිරීමට අමාත්‍ය සජිත් ප්‍රේමදාස මහතා තීරණය කරන ලද අතර අද පෙරවරුවේ එම කටයුත්ත සිදුවනු ඇත.
