සිරගත කරනු ලබන බෞද්ධ භික්ෂූන් වහන්සේලා බන්ධනාගාරයෙන් පිටතට රැගෙන යන අවස්ථාවලදී උන්වහන්සේලාට සිය චීවරය දැරීම සඳහා පූර්ණ අවසරය ලබාදීමට බන්ධනාගාර නීති සංශෝධනය කිරීමට පියවර ගෙන තිබේ. මෙම අවසරය අදාළ භික්ෂූන් වහන්සේ අයත් නිකාය මගින් එසේ නොකරන ලෙස දැනුම්දෙන තෙක් අඛණ්ඩව බලාත්මක වන බව අධිකරණ සහ ජාතික ඒකාබද්ධතා අමාත්‍ය හර්ෂණ නානායක්කාර මහතා ප්‍රකාශ කළේය.

ජේ. බී.සෙකියුරිටීස් ආයතනය විසින් සිදු කරන ලද නවතම දත්ත විශ්ලේෂණයකට අනුව, ශ්‍රී ලංකාවේ වාහන වෙළෙඳපොළ තුළ කුඩා වාහන සඳහා පවතින ඉහළ ඉල්ලුම තවදුරටත් තහවුරු කරමින්, සැප්තැම්බර් මාසයේ වාහන ලියාපදිංචිය සියයට 18.3කින් කැපී පෙනෙන ලෙස ඉහළ ගොස් තිබේ.

නාමල් රාජපක්ෂ සිරගෙදරදී භාවනා කර රහත් ඵලය ලබාගන්නා බවටත් අනාගත ජනපති පදවිය ලබාගන්න බැරි වුණොත් රහත් ඵලය හෝ ලබාගන්නා බවටත් තමාද රහත් වුවත් එය අවබෝධ කරගන්නට එන අයට ඒ ගැන පහදාදී ඵලක් නැති බවත් පූජ්‍ය තිත්තගල්ලේ ආනන්දසිරි හිමි ටෘත් විත් චමුදිත වැඩසටහනට පැමිණ පැහැදිලි කර තිබේ.  මෙත් බෝ සෙවන ජාත්‍යන්තර විපස්සනා භාවනා මධ්‍යස්ථානයේ නිර්මාතෘ වන මෙම හිමි නම මේ දිනවල ඥනසාර හිමි නිදහස් කරගැනීම වෙනුවෙන් සිදුකරන පාගමනේද ප්‍රධාන සංවිධායක වරයෙකි.

සවුදි අරාබියේ මහා අධිකරණය විසින් ශ්‍රී ලාංකික ජාතික අනෝජන් සිවරාසාට පනවා තිබූ මරණ දඬුවම අහෝසි කිරීමට තීරණය කර ඇති බව ශ්‍රී ලංකා නියෝජ්‍ය විදේශ කටයුතු අමාත්‍ය අරුන් හේමචන්ද්‍ර මහතා ප්‍රකාශ කර සිටියි.

බන්ධනාගාරය තුළදී පූජ්‍ය ගලගොඩඅත්තේ ඥානසාර හිමියන්ගේ චීවරය ඉවත් කළ බවට හිටපු අමාත්‍ය උදය ගම්මන්පිල මහතා කළ ආන්දෝලනාත්මක ප්‍රකාශය සම්බන්ධයෙන් ශ්‍රී ලංකා පොලීසිය මගින් විශේෂ විමර්ශනයක් ආරම්භ කිරීමට රජය තීරණය කර තිබේ.

ජාතික ඉතිරිකිරීමේ බැංකුවේ රුපියල් මිලියන 10ක මුදලක් "සිරිලිය සවිය" ගිණුමට බැර කිරීම පිළිබඳ විමර්ශනයේදී සැකපිට අත්අඩංගුවට ගත් හිටපු ජනාධිපති ආර්යා ශිරන්ති රාජපක්ෂ, ඔක්තෝබර් 16 වැනිදා දක්වා තවදුරටත් රක්ෂිත බන්ධනාගාරගත කරන ලෙස කොළඹ මහේස්ත්‍රාත් අධිකරණය අද (13) නියෝග කළා. ඇප ඉල්ලීම සම්බන්ධයෙන් නියෝගයක් එදින දක්වා නිකුත් කරන්නේ නැති බවත් අධිකරණය දන්වා සිටියා.

එයාර් බස් ගුවන් යානා මිලදී ගැනීමේ ගනුදෙනුවේදී අල්ලස් ලබා ගත් බවට චෝදනා ලබමින් රක්ෂිත බන්ධනාගාර ගත කර සිටින පාර්ලිමේන්තු මන්ත්‍රී නාමල් රාජපක්ෂ මහතාට ඇප ලබා ගැනීම සඳහා විත්තිය විසින් අධිකරණය හමුවේ ගෙනහැර දැක්වූ 'මව්පියන්ගේ රෝගී තත්ත්වය' පිළිබඳ කරුණු දැක්වීම, වෛද්‍ය වාර්තා මගින් තහවුරු නොකිරීම හේතුවෙන් අද (13) අධිකරණය හමුවේ නිෂ්ප්‍රභ විය. ඒ අනුව, මන්ත්‍රීවරයා තවදුරටත් මේ මස 27 වැනිදා දක්වා රක්ෂිත බන්ධනාගාර ගත කිරීමට කොළඹ ප්‍රධාන මහෙස්ත්‍රාත් අසංග එස්.

එළඹෙන නොවැම්බර් 19 වැනිදා ශ්‍රී දළදා මාලිගාව, ජය ශ්‍රී මහා බෝධිය සහ ථූපාරාමය ඇතුළු මෙරට ප්‍රධාන පෙළේ පූජනීය ස්ථාන රැසකට ප්‍රහාරයක් එල්ල විය හැකි බවටත් ලේ විලක් වන බවටත් සමාජ මාධ්‍ය ඔස්සේ සංසරණය වූ තොරතුරු සම්බන්ධයෙන් වහාම රාජ්‍ය බුද්ධි සේවා අධ්‍යක්ෂවරුන් දැනුවත් කරන ලෙස කොළඹ ප්‍රධාන මහේස්ත්‍රාත් අසංග එස්. බෝදරගම මහතා අපරාධ පරීක්ෂණ දෙපාර්තමේන්තුවට නියෝග කර තිබේ.

වසර දහයක කාල සීමාව තුළ සිය වෛද්‍ය උපාධිය සම්පූර්ණ කිරීමට අපොහොසත් වූ පේරාදෙණිය විශ්වවිද්‍යාලයේ වෛද්‍ය සිසුන් පස් දෙනෙකුගේ ශිෂ්‍යභාවය අහෝසි කිරීමට විශ්වවිද්‍යාල බලධාරීන් ගත් තීරණය නීත්‍යානුකූල බව තහවුරු කරමින්, එම සිසුන්ට අවසන් වසර විභාගයට පෙනී සිටීමට අවසර දෙමින් අභියාචනාධිකරණය මීට පෙර ලබා දී තිබූ නියෝගය ශ්‍රේෂ්ඨාධිකරණය විසින් ඊයේ (12) මුළුමනින්ම බලරහිත කරන ලදී.

රාත්‍රී සමාජ ශාලාවලට කොකේන් මත්ද්‍රව්‍ය බෙදාහැරීමේ නිරතව සිටි බවට අනාවරණය වූ විදෙස් ජාතිකයන් සිව්දෙනෙකු කොල්ලුපිටිය ප්‍රදේශයේදී නීතියේ රැහැනට හසුව තිබේ. ඒ, කොළඹ දිසා අපරාධ කොට්ඨාසයේ නිලධාරීන් කණ්ඩායමක් විසින් එම ප්‍රදේශයේ හෝටලයක් සහ සුපිරි වෙළෙඳසැල් සංකීර්ණයක් තුළ සිදුකරන ලද වැටලීම්වල ප්‍රතිඵලයක් වශයෙනි.

ජනතා විමුක්ති පෙරමුණ ශ්‍රී දළදා මාලිගාවට බෝම්බ ප්‍රහාර එල්ල කළ බවට කෙරෙන ප්‍රකාශය පිළිගත නොහැකි බවත්, දළදා මාලිගාවට බෝම්බ ප්‍රහාරය එල්ල කළේ එල්.ටී.ටී.ඊ. සංවිධානය බවත් මල්වතු මහා විහාර පාර්ශ්වයේ මහානායක අතිපූජ්‍ය තිබ්බටුවාවේ ශ්‍රී සිද්ධාර්ථ සුමංගල මහානායක ස්වාමීන්ද්‍රයන් වහන්සේ අද (12) සමගි ජන බලවේගයේ නියෝජිත පිරිසක් හමුවේ ප්‍රකාශ කළහ.

ප්‍රාථමික කර්මාන්ත රාජ්‍ය අමාත්‍යවරයා සහ ඌව පළාත් ප්‍රධාන අමාත්‍යවරයා ලෙස කටයුතු කළ සමයේ නිසි ටෙන්ඩර් ක්‍රමවේදයන්ගෙන් බැහැරව කටයුතු කරමින් අල්ලස් ලබාගැනීම සහ අයථා ලෙස රුපියල් කෝටි ගණනක වත්කම් ඉපැයීම යන චෝදනා මත අත්අඩංගුවට ගත් පාර්ලිමේන්තු මන්ත්‍රී චාමර සම්පත් දසනායක මහතා ලබන ඔක්තෝබර් 23 වැනිදා දක්වා රක්ෂිත බන්ධනාගාරගත කිරීමට කොළඹ ප්‍රධාන මහේස්ත්‍රාත් අසංග එස්. බෝදරගම මහතා නියෝග කර තිබේ.

කළුතර - මතුගම ප්‍රධාන මාර්ගයේ ගල්ලස්ස හන්දියේ පිහිටි ‘ඩ්‍රැගන්’ හෝටලය අසල ඉකුත් 09 වැනිදා උදෑසන ඇසුණු වෙඩි හඬින් අවසන් වූයේ එක් ජීවිතයක් පමණක් නොවේ. එදින එම ස්ථානයේදීම අවසන් හුස්ම හෙළූ හෝටල් හිමිකරුගේ වියෝවෙන් පසු, කළුතර නාගොඩ ශික්ෂණ රෝහලේ දැඩි සත්කාර ඒකකයේ ජීවිතයත් මරණයත් අතර සටනක නිරත වෙමින් සිටි ඔහුගේ බිරිඳ ද ඊයේ (11) අලුයම මෙලොව හැර ගියාය.

වැලිකඩ බන්ධනාගාරයේ රක්ෂිත බන්ධනාගාරගත කර සිටින හිටපු ජනාධිපති ආර්යා ශිරන්ති රාජපක්ෂ මහත්මිය කොළඹ ජාතික රෝහලේ හෘද රෝග ඒකකය වෙත ඇතුළත් කර තිබේ. බන්ධනාගාර රෝහලේ වෛද්‍ය නිර්දේශ මත ඇයව මෙලෙස ජාතික රෝහල වෙත මාරු කර යවා ඇති බව බන්ධනාගාර මාධ්‍ය ප්‍රකාශකවරයා සඳහන් කළේය.

රුපියල් ලක්ෂ 81ක අල්ලස් ලබාගැනීමේ චෝදනාවක් සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව හමුවේ ප්‍රකාශයක් ලබාදීමට අද (12) පැමිණි හිටපු පාර්ලිමේන්තු මන්ත්‍රී චාමර සම්පත් දසනායක මහතා එම කොමිසම විසින් අත්අඩංගුවට ගෙන තිබේ.

සෞදි අරාබියේ අගනුවර රියාද් හි කිං ඛාලිද් ජාත්‍යන්තර ගුවන්තොටුපළට පසුගිය සෙනසුරාදා (10) එල්ල වූ ප්‍රහාරයෙන් අවම වශයෙන් 12 දෙනෙකු මිය ගොස් තවත් 309 දෙනෙකු තුවාල ලබා ඇති බව සෞදි නිලධාරීහු පවසති. තුවාලකරුවන් අතරින් කිහිප දෙනෙකුගේ තත්ත්වය අතිශය බරපතළ බව ද වාර්තා වේ.

හිටපු ජනාධිපති මහින්ද රාජපක්ෂ මහතා හදිසියේ ඇති වූ හෘද රෝගී තත්ත්වයක් හේතුවෙන් අද (12) පෙරවරුවේ කොළඹ නවලෝක පෞද්ගලික රෝහලේ දැඩි සත්කාර ඒකකය වෙත ඇතුළත් කර තිබේ.

පාසල් වියේදී දලුලා වැඩුණු ප්‍රේමයකට මල් ඵල ගන්වමින් පසුගිය ජනවාරි මාසයේදී යුග දිවියට එළඹුණු තරුණ යුවළකගේ ආදර කතාව, හදිසි රිය අනතුරකින් සදහටම නිමාවට පත්වූ සංවේදී පුවතක් හේනේගම ප්‍රදේශයෙන් වාර්තා වේ. එකිනෙකාගෙන් මොහොතක් හෝ වෙන්ව සිටීමට නොහැකි තරම් සෙනෙහසකින් බැඳී සිටි ඔවුන්ගේ අවසන් ගමන ද එකම මිනී වළක් තුළ සනිටුහන් වීම මුළු මහත් ප්‍රදේශයම බලවත් ශෝකයකට පත් කර තිබේ.

කාලයක් තිස්සේ ඩුබායි රාජ්‍යයේ සිටිමින් ශ්‍රී ලංකාව තුළ මහා පරිමාණ මත්ද්‍රව්‍ය ජාලයක් මෙහෙයවූ බවට සැකකෙරෙන දික්වැල්ලේ පදිංචි චරිත් සඳකැලුම් හෙවත් 'රන් මල්ලි' බල්ගේරියාවේදී එරට ආරක්ෂක අංශ විසින් අත්අඩංගුවට ගෙන ඇති බව පොලිස්පති ප්‍රියන්ත වීරසූරිය මහතා තහවුරු කළේය.

රාජකීය ගුවන් නියමු කුටියක සිට අධිවේගී ප්‍රහාරක ජෙට් යානයක් තනිව හසුරුවමින් අහස ජයගත් ලොව පළමු වත්මන් රැජින ලෙස තායිලන්තයේ සුතිදා රැජින (සුතිදා බජ්රසුධබිමලලක්ෂණ රැජින) ඉතිහාසයට එක්ව තිබේ. තායිලන්ත රාජකීය ගුවන් හමුදාවට (RTAF) අයත් ‘Saab JAS 39C Gripen’ වර්ගයේ සුපිරි ප්‍රහාරක ජෙට් යානයක් තනිව පදවමින් (solo flight) ඇය සිදුකළ මෙම සුවිශේෂී පියාසැරිය වාර්තා වූයේ 2026 ඔක්තෝබර් 8 වන දින සුරත් තානි පළාතේ ඵුන් ඵින් දිස්ත්‍රික්කයේ පිහිටි 7 වන බලඝණ මූලස්ථානයේදීය (Wing 7).