ශ්‍රීලන්කන් ගුවන් සේවයට එයාර්බස් මගී ගුවන් යානා මිලදී ගැනීමේ ක්‍රියාවලියේදී සිදුවූ බව කියන දැවැන්ත මූල්‍ය අක්‍රමිකතා සහ මුදල් විශුද්ධිකරණය සම්බන්ධයෙන් සිදුකළ විමර්ශන මේ වන විට සම්පූර්ණයෙන්ම අවසන් කර ඇති බව අපරාධ පරීක්ෂණ දෙපාර්තමේන්තුව අද (14) අධිකරණයට දැනුම් දුන්නේය.

සංචාරක ප්‍රවර්ධන කාර්යාංශයේ අරමුදල් අයථා ලෙස භාවිත කළ බවට එල්ල වී ඇති චෝදනා සම්බන්ධයෙන්, හිටපු ආර්ථික සංවර්ධන අමාත්‍ය බැසිල් රාජපක්ෂ මහතා අත්අඩංගුවට ගෙන අධිකරණයට ඉදිරිපත් කිරීමට කොටුව මහෙස්ත්‍රාත් පසන් අමරසේන මහතා විසින් අපරාධ පරීක්ෂණ දෙපාර්තමේන්තුවේ නීතිවිරෝධී වත්කම් විමර්ශන ඒකකයට අද (14) නියෝග කරන ලදී.

බන්ධනාගාරය තුළදී පූජ්‍ය ගලගොඩඅත්තේ ඥානසාර හිමියන්ගේ චීවරය ඉවත් කළ බවට හිටපු අමාත්‍ය උදය ගම්මන්පිල මහතා කළ ආන්දෝලනාත්මක ප්‍රකාශය සම්බන්ධයෙන් ශ්‍රී ලංකා පොලීසිය මගින් විශේෂ විමර්ශනයක් ආරම්භ කිරීමට රජය තීරණය කර තිබේ.

ජාතික ඉතිරිකිරීමේ බැංකුවේ රුපියල් මිලියන 10ක මුදලක් "සිරිලිය සවිය" ගිණුමට බැර කිරීම පිළිබඳ විමර්ශනයේදී සැකපිට අත්අඩංගුවට ගත් හිටපු ජනාධිපති ආර්යා ශිරන්ති රාජපක්ෂ, ඔක්තෝබර් 16 වැනිදා දක්වා තවදුරටත් රක්ෂිත බන්ධනාගාරගත කරන ලෙස කොළඹ මහේස්ත්‍රාත් අධිකරණය අද (13) නියෝග කළා. ඇප ඉල්ලීම සම්බන්ධයෙන් නියෝගයක් එදින දක්වා නිකුත් කරන්නේ නැති බවත් අධිකරණය දන්වා සිටියා.

එයාර් බස් ගුවන් යානා මිලදී ගැනීමේ ගනුදෙනුවේදී අල්ලස් ලබා ගත් බවට චෝදනා ලබමින් රක්ෂිත බන්ධනාගාර ගත කර සිටින පාර්ලිමේන්තු මන්ත්‍රී නාමල් රාජපක්ෂ මහතාට ඇප ලබා ගැනීම සඳහා විත්තිය විසින් අධිකරණය හමුවේ ගෙනහැර දැක්වූ 'මව්පියන්ගේ රෝගී තත්ත්වය' පිළිබඳ කරුණු දැක්වීම, වෛද්‍ය වාර්තා මගින් තහවුරු නොකිරීම හේතුවෙන් අද (13) අධිකරණය හමුවේ නිෂ්ප්‍රභ විය. ඒ අනුව, මන්ත්‍රීවරයා තවදුරටත් මේ මස 27 වැනිදා දක්වා රක්ෂිත බන්ධනාගාර ගත කිරීමට කොළඹ ප්‍රධාන මහෙස්ත්‍රාත් අසංග එස්.

බුද්ධ ශාසනය සුරක්ෂිත කොට පෝෂණය කිරීමේ වගකීම හා සිංහල බෞද්ධ උරුමයන් සුරැකීම පිළිබඳ ජාතික මහා සමුළුව අද (12) පස්වරුවේ කොළඹදී පැවැත්විණි. සමස්ත ලංකා බෞද්ධ මහා සම්මේලනය සංවිධානය කළ මෙම සමුළුවට මහා සංඝරත්නය, දේශපාලනඥයින් ඇතුළු පාර්ශ්ව රැසක් එක්ව සිටියහ.

සමගි ජන බලවේගයේ සියලුම තනතුරුවලින් ඉල්ලා අස්වීමට හිටපු පාර්ලිමේන්තු මන්ත්‍රී සහ හිටපු රාජ්‍ය අමාත්‍ය අශෝක් අබේසිංහ මහතා තීරණය කර තිබේ. මේ බව සඳහන් කරමින් ඔහු විසින් විපක්ෂ නායක සහ සමගි ජන බලවේගයේ නායක සජිත් ප්‍රේමදාස මහතා වෙත යොමු කරන ලද 2026 ඔක්තෝබර් 12 වැනි දිනැති ලිපියක් මගින් සිය තීරණය නිල වශයෙන් දැනුම් දී ඇත.

හිටපු ජනාධිපති මහින්ද රාජපක්ෂ මහතා රෝහල්ගත කළ බවට පළවන පුවත් සත්‍ය වුවත් ඒ මහතා අසාධ්‍ය තත්වයෙන් පසුවන බවට පැතිර යන ආරංචි අසත්‍ය බව ඒ මහතාගේ මාධ්‍ය ප්‍රකාශක නීතීඥ මනෝජ් ගමගේ පවසයි.

පූජ්‍ය ගලගොඩඅත්තේ ඥානසාර හිමියන්ගේ චීවරය වැලිකඩ බන්ධනාගාරය තුළදී බලහත්කාරයෙන් ඉවත් කරන අයුරු ජංගම දුරකථනයක් හරහා වෙනත් ස්ථානයක සිටි 'බලවත් පුද්ගලයෙකු' විසින් සජීවීව නිරීක්ෂණය කර ඇති බවට පිවිතුරු හෙළ උරුමයේ නායක උදය ගම්මන්පිල මහතා බරපතළ චෝදනාවක් එල්ල කරයි. අද (12) කොළඹදී පැවති විශේෂ මාධ්‍ය හමුවක් අමතමින් ඔහු කියා සිටියේ, අදාළ සිදුවීම ජාතික ජන බලවේගයේ ඉහළ නායකයන්ගේ දැඩි බලපෑම මත සිදුවූවක් බවයි.

වැලිකඩ බන්ධනාගාරයේ රක්ෂිත බන්ධනාගාරගත කර සිටින හිටපු ජනාධිපති ආර්යා ශිරන්ති රාජපක්ෂ මහත්මිය කොළඹ ජාතික රෝහලේ හෘද රෝග ඒකකය වෙත ඇතුළත් කර තිබේ. බන්ධනාගාර රෝහලේ වෛද්‍ය නිර්දේශ මත ඇයව මෙලෙස ජාතික රෝහල වෙත මාරු කර යවා ඇති බව බන්ධනාගාර මාධ්‍ය ප්‍රකාශකවරයා සඳහන් කළේය.

දශක ගණනාවක් පුරා මෙරට දේශපාලනය හැඩගැස්වූ පවුල් බලය, මැර බලය සහ මාධ්‍ය බලය පසෙකලා හුදෙක් ජනතා බලයෙන් පමණක් ගොඩනැගුණු වත්මන් ආණ්ඩුව, කොළඹ කේන්ද්‍රීය මාලිගා කුමන්ත්‍රණ හමුවේ කිසිසේත් පසුබට නොවන බව ජනාධිපති අනුර කුමාර දිසානායක මහතා අවධාරණය කරයි. "අපේ ආණ්ඩුව වසර දෙකයි රටට සුබයි" යන තේමාව යටතේ ඊයේ (11) නිකවැරටියේදී පැවති දැවැන්ත ජනරැලිය අමතමින් ජනාධිපතිවරයා මේ බව ප්‍රකාශ කළේ, මාලිගා කුමන්ත්‍රණ හරහා ආණ්ඩුව පෙරළා දැමීමට සිතීම පවා නිශ්ඵල ක්‍රියාවක් බවට අනතුරු අඟවමිනි.

අයිස් මත්ද්‍රව්‍ය සන්තකයේ තබාගැනීමේ සිද්ධියක් සම්බන්ධයෙන් අත්අඩංගුවට ගෙන, රැඳවුම් නියෝග මත ප්‍රශ්න කරමින් සිටි ශ්‍රී ලංකා පොදුජන පෙරමුණ නියෝජනය කළ කොළඹ මහ නගර සභාවේ හිටපු නාගරික මන්ත්‍රී මහින්ද කහඳගම මහතා රක්ෂිත බන්ධනාගාරගත කර තිබේ.

රුපියල් ලක්ෂ 81ක අල්ලස් ලබාගැනීමේ චෝදනාවක් සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව හමුවේ ප්‍රකාශයක් ලබාදීමට අද (12) පැමිණි හිටපු පාර්ලිමේන්තු මන්ත්‍රී චාමර සම්පත් දසනායක මහතා එම කොමිසම විසින් අත්අඩංගුවට ගෙන තිබේ.

විදේශගතව සිට පැමිණෙද්දී තමන්ව ගුවන් තොටුපළේදී අත්අඩංගුවට ගැනීම වළක්වාලන ලෙස ඉල්ලමින් ශිරන්ති රාජපක්ෂ මහත්මිය විසින් ගොනු කර තිබූ අපේක්ෂිත ඇප අයදුම්පත නිශ්ප්‍රභ කිරීමට මාලිගාකන්ද මහේස්ත්‍රාත් අධිකරණය අද තීරණය කළේය. අතීතයට බලපාන පරිදි සිදු කර තිබූ මෙම ඇප අයදුම සලකාබැලීම වන විටත් ශිරන්ති රාජපක්ෂ මහත්මිය අත්අඩංගුවට ගෙන තිබෙන පසුබිමක එය මෙම අවස්ථාවේ නිශ්ප්‍රභවීම නිසා හෙට (13) දක්වා රක්ෂිත බන්ධනාගාරගත කර සිටින ශිරන්ති මහත්මියගේ රැඳවුම් නියෝගයේ වෙනසක් සිදු නොවේ.

පෞද්ගලික ඉන්ධන සැපයුම්කරුවන්ට තමන් දරන පිරිවැය පදනම් කරගනිමින් මිල තීරණය කිරීමේ හැකියාව පැවතියද, රජයට බලපෑම් එල්ල කරමින් කෘත්‍රිමව හෝ අත්තනෝමතික ලෙස මිල ඉහළ දැමීමේ අරමුණින් සැපයුම් සීමා කිරීමට කිසිසේත්ම ඉඩ නොදෙන බවට බලශක්ති අමාත්‍ය අනුර කරුණාතිලක අනතුරු අඟවයි. බලධාරීන්ට බලපෑම් කොට අධික ලෙස මිල වැඩි කරවා ගැනීම උදෙසා බෙදාහැරීම් සීමා කරන්නේ නම්, ඊට එරෙහිව නීතිමය පියවර ගන්නා බව ඔහු අවධාරණය කරයි.

රක්ෂිත බන්ධනාගාරගත කර සිටින හිටපු ජනාධිපති ආර්යා ශිරන්ති රාජපක්ෂ මහත්මියට සිය නිවසින් ආහාර ලබාගැනීම සඳහා බන්ධනාගාර දෙපාර්තමේන්තුව විසින් අවසර ලබා දී තිබේ.

පූජ්‍ය ගලගොඩඅත්තේ ඥානසාර හිමියන් අත්අඩංගුවට පත්වීමෙන් අනතුරුව උන්වහන්සේගේ චීවරය ඉවත් කිරීමට සිදුවීම සම්බන්ධයෙන් තමන් දැඩි කම්පනයට පත් වූ බව ජාතික ජන බලවේගයේ කොළඹ දිස්ත්‍රික් සංවර්ධන කමිටු සභාපති, පාර්ලිමේන්තු මන්ත්‍රී ලක්ෂ්මන් නිපුණආරච්චි මහතා ප්‍රකාශ කරයි.

බන්ධනාගාරගත කර සිටින පූජ්‍ය ගලගොඩඅත්තේ ඥානසාර හිමියන් නිදහස් කරන ලෙසත්, සිරගෙදරදී උන්වහන්සේගේ සිවුර ඉවත් කිරීමට එරෙහිවත් ඊයේ (10) මහනුවර ඓතිහාසික ශ්‍රී දළදා මාලිගාව අබියසින් ආරම්භ වූ ‘සිවුරට යුක්තිය’ පාද යාත්‍රාව මේ වන විට සමාජ මාධ්‍ය තුළ දැඩි උපහාසයට මෙන්ම මහජන විවේචනයට ලක්වෙමින් තිබේ. ආණ්ඩුවට දැඩි පීඩනයක් එල්ල කරනු ඇතැයි සංවිධායකයන් අපේක්ෂා කළ ද, ඊයේ දිනයේ මහනුවර සිට කඩුගන්නාව දක්වා පැමිණි ගමනට සම්බන්ධ වී සිටියේ 68 දෙනෙකු පමණක් වීම ඊට ප්‍රධාන හේතුව වී ඇත.

පසුගිය යහපාලන රජය සමයේ ගලගොඩ අත්තේ ඥානසාර හිමියන්ට ජනාධිපති සමාව ලබා දීම පිටුපස වූ ප්‍රධානතම හේතුව හුදු දේශපාලනික කාරණයක් නොව, උන්වහන්සේගේ සිවුර ඉවත් කිරීමට යාමේදී මතුවිය හැකිව තිබූ බරපතළ ආගමික සහ විනය ගැටලුවක් බව එක්සත් ජාතික පක්ෂ නායක, හිටපු ජනාධිපති රනිල් වික්‍රමසිංහ මහතා හෙළි කරයි. අද (10) කොළඹ මල්පාරේ පිහිටි සිය දේශපාලන කාර්යාලයේදී පැවති එක්සත් ජාතික පක්ෂ නීතීඥ හමුවක් අමතමින් හිටපු ජනාධිපතිවරයා මේ බව ප්‍රකාශ කළේය.

පූජ්‍ය ගලගොඩඅත්තේ ඥානසාර හිමියන්ගේ සිවුර ඉවත් කිරීමේ සිදුවීම මුල්කරගනිමින් මේ වන විට නීතිමය මෙන්ම සමාජීය වශයෙන් ද නව කතිකාවතක් නිර්මාණය වී තිබේ. උන්වහන්සේගේ නිදහස වෙනුවෙන් වන අරගලයේ පළමු පියවර අද (10) මහනුවර දළදා මාළිගාවේ මහ මළුවෙන් ආරම්භ කරන බව පූජ්‍ය උලපනේ සුමංගල හිමියන් ප්‍රකාශ කිරීමත් සමඟ මෙම තත්ත්වය තවත් තීව්‍ර වී ඇත.