ශ්‍රී ලංකාවේ නව එක්සත් ජනපද තානාපතිවරයා ලෙස පත්කර සිටින එරික් මයර් මහතා සිය රාජකාරි කටයුතු ආරම්භ කිරීම සඳහා දිවයිනට පැමිණ තිබේ. ඔහු අගෝස්තු 22 වන දින සන්ධ්‍යා භාගයේදී කොළඹට ළඟා වූ බව ශ්‍රී ලංකාවේ එක්සත් ජනපද තානාපති කාර්යාලය තහවුරු කරයි.

කැලණි ගඟේ අඹතලේ සහ දකුණු තීරයේ පිහිටි ජල පිරිපහදු මධ්‍යස්ථාන වෙත ජලය ලබාගන්නා ස්ථාන ආශ්‍රිතව පවතින ජලයේ ගුණාත්මකභාවයට බාධා එල්ලවීමේ අවදානමක් හේතුවෙන් කොළඹ සහ ගම්පහ දිස්ත්‍රික්කවල ප්‍රදේශ කිහිපයක ජල සැපයුම තාවකාලිකව අත්හිටුවා තිබේ. පෞද්ගලික කර්මාන්ත ශාලාවකින් පරිසරයට මුදාහැර ඇති යම් රසායනික ද්‍රව්‍යයක් හේතුවෙන් මෙම තත්ත්වය හටගෙන ඇති බව ජාතික ජලසම්පාදන හා ජලාපවහන මණ්ඩලය ප්‍රකාශ කරයි.

කැලණි ගඟෙන් ජලය ලබාගන්නා ස්ථානයේ පැවැති ජලයේ ගුණාත්මකභාවය පිළිබඳ හදිසි ගැටලුකාරී තත්ත්වය හේතුවෙන් අද (25) අලුයම සිට කොළඹ සහ ගම්පහ දිස්ත්‍රික්කවල ප්‍රදේශ කිහිපයකට ජල සැපයුම තාවකාලිකව අත්හිටුවීමට ජාතික ජලසම්පාදන හා ජලාපවහන මණ්ඩලය පියවර ගත්තේය. ආපදා කළමනාකරණ මධ්‍යස්ථානයේ දැනුම්දීම මත අඹතලේ සහ කැලණි දකුණු ඉවුර ජල පවිත්‍රාගාරවල කටයුතු මෙලෙස කාලීනව අත්හිටවූ අතර, එමගින් පාරිභෝගික ජනතාවට තාවකාලික අපහසුතාවන්ට මුහුණ දීමට සිදු විය.

එල්නිනෝ කාලගුණික තත්ත්වය හමුවේ ඉදිරියේදී විදුලි ඉල්ලුම ඉහළ යා හැකි අතරම, ජල මූලාශ්‍ර සිඳී යාමෙන් ජලවිදුලි උත්පාදනය පහළ වැටීමේ දැඩි අවදානමක් පවතින බව ශ්‍රී ලංකා මහජන උපයෝගීතා කොමිසම පවසයි. පුනර්ජනනීය බලශක්ති ප්‍රභවයන්ගෙන් විදුලිය මිලදී ගැනීමේ නව ගාස්තු ප්‍රකාශයට පත් කරමින් පැවැති මාධ්‍ය හමුවකදී එම කොමිසමේ අධ්‍යක්ෂ කේ.

පාර්ලිමේන්තුවේ පොදු ව්‍යාපාර පිළිබඳ කාරක සභාව (COPE) හමුවේ පේරාදෙණිය විශ්වවිද්‍යාලයේ මූල්‍ය පරිපාලන අක්‍රමිකතා, අපජල කළමනාකරණ ගැටලු සහ පාලනමය දුර්වලතා රැසක් අනාවරණය වී තිබේ. පාර්ලිමේන්තු මන්ත්‍රී නිශාන්ත සමරවීර මහතාගේ සභාපතිත්වයෙන් පැවැති මෙම සාකච්ඡාවේදී විශ්වවිද්‍යාලයේ 2023 සහ 2024 වර්ෂවලට අදාළ විගණකාධිපති වාර්තා මෙන්ම වර්තමාන කාර්යසාධනය දීර්ඝ ලෙස පරීක්ෂාවට ලක් කර ඇති අතර, මෙය මීට පෙර පැවැති සාකච්ඡාවක දෙවැනි අදියර ලෙස පවත්වා ඇත.

වසර කිහිපයක තහනමකින් පසුව නැවතත් වාහන ආනයනය සඳහා අවස්ථාව ලබා දීමට ශ්‍රී ලංකා රජය ගත් තීරණය හේතුවෙන් රාජ්‍ය ආදායම සැලකිය යුතු ලෙස ඉහළ ගොස් තිබේ. මුදල් අමාත්‍යාංශය විසින් නිකුත් කරන ලද නවතම දත්ත වාර්තාවලට අනුව, 2026 වසරේ පළමු මාස හය තුළදී රජයේ ආදායම් ඉපැයීම්වල කැපී පෙනෙන වර්ධනයක් වාර්තා වී ඇත.

මරණීය දණ්ඩනය සහ ජීවිතාන්තය දක්වා වූ සිර දඬුවම් හිමිව සිටින රැඳවියන්ට ජනාධිපති පොදු සමාව පිරිනැමීම සඳහා වන විධිමත් ක්‍රමවේදයක් සකස් කිරීමට පත්කළ කමිටුවේ වාර්තාව කඩිනමින් අමාත්‍ය මණ්ඩලය වෙත යොමු කරන බව අධිකරණ සහ ජාතික ඒකාබද්ධතා අමාත්‍ය නීතිඥ හර්ෂණ නානායක්කාර මහතා ප්‍රකාශ කරයි.

පෙරහැර සහ අනෙකුත් ආගමික උත්සව සඳහා හීලෑ අලි ඇතුන් ලබාදීමේ ක්‍රියාවලිය නීතිමය වශයෙන් විධිමත් කිරීම සඳහා වන නව ගැසට් නිවේදනය නුදුරේදීම ප්‍රකාශයට පත් කිරීමට නියමිත බව පරිසර නියෝජ්‍ය අමාත්‍ය ඇන්ටන් ජයකොඩි මහතා පාර්ලිමේන්තුවේදී තහවුරු කළේය. මෙම පියවර හරහා සංස්කෘතිකමය හා ආගමික වැදගත්කමකින් යුත් පෙරහැර මංගල්‍යයන් වෙනුවෙන් අලි ඇතුන් සපයාදීමේ සේවාව කිසිදු බාධාවකින් තොරව අඛණ්ඩව පවත්වාගෙන යාම තහවුරු කිරීම රජයේ මූලික අරමුණ වී තිබේ.

ළමා ශ්‍රමය යොදවා ගැනීමට එරෙහිව පවතින දඩ මුදල රුපියල් දසදහසේ සිට රුපියල් ලක්ෂය දක්වා ඉහළ නැංවීම ඇතුළත් ස්ත්‍රීන්, තරුණ අය සහ ළමයින් සේවයෙහි යෙදවීමේ (සංශෝධන) පනත් කෙටුම්පත පාර්ලිමේන්තුවේදී සම්මත විය. විවාදය ආරම්භ කරමින් අදහස් දැක්වූ ළමා හා කාන්තා කටයුතු ඇමැතිනි සරෝජා සාවිත්‍රි පෝල්රාජ් මහත්මිය සඳහන් කළේ වයස අවුරුදු 16ට අඩු දරුවන් සේවයේ යෙදවීම පූර්ණ ලෙස තහනම් වන අතර වයස 16ත් 18ත් අතර පසුවන්නන් අන්තරාකාරී රැකියාවල යෙදවීමද වළක්වා ඇති බවයි.

ශ්‍රී ලංකාවේ අග්‍රගණ්‍ය ගායන වේදනී, විශාරද ආචාර්ය නන්දා මාලනියගේ අභාවය හේතුවෙන් 2026 අගෝස්තු මස 21, 22 සහ 23 යන තෙදින ජාතික ශෝක දින ලෙස ප්‍රකාශයට පත් කිරීමට රජය තීරණය කර ඇත. ඇගේ අවසන් කටයුතු සිදු කිරීමට නියමිත එළඹෙන සෙනසුරාදා (22) දිනය ද ඊට ඇතුළත් වේ.

ජනාධිපති අනුර කුමාර දිසානායක මහතාගේ ප්‍රධානත්වයෙන් ජනාධිපති කාර්යාලයේදී පැවැති සාකච්ඡාවකදී ඩිජිටල් ආර්ථික අමාත්‍යාංශය මගින් 2026 වසරේදී ක්‍රියාත්මක කළ ව්‍යාපෘති සහ වැඩසටහන්වල වර්තමාන ප්‍රගතිය පුළුල් ලෙස සමාලෝචනයට ලක් කර තිබේ. මෙහිදී අනාවරණය වූ කරුණුවලට අනුව එළඹෙන සැප්තැම්බර් මාසයේ සිට සියලුම රථ වාහන දඩ මුදල් ගෙවීම් 'govPay' පද්ධතිය ඔස්සේ පමණක් සිදු කිරීමට සැලසුම් කර ඇත.

නියමිත නිල ඇඳුම් සහිත සෞඛ්‍ය ක්ෂේත්‍රයේ නිලධාරීන් සිය රාජකාරි නිරත වන අතරතුර අනිවාර්යයෙන්ම එම නිල ඇඳුමින් සැරසී සිටිය යුතු බව නියෝජ්‍ය සෞඛ්‍ය අමාත්‍ය වෛද්‍ය හංසක විජේමුණි මහතා පවසයි. සංස්කෘතික, දේශගුණික හෝ වෙනත් යම් හේතුවක් මත නිල ඇඳුමේ වෙනසක් කිරීමට අවශ්‍ය නම්, ඒ පිළිබඳව සෞඛ්‍ය අමාත්‍යාංශයේ නිල ඇඳුම් කමිටුව වෙත ඉල්ලීමක් ඉදිරිපත් කළ යුතු බව හෙතෙම සඳහන් කරයි.

වේරිටේ රිසර්ච් Verité Research ආයතනය විසින් වැන්ගාඩ් සර්වේ (Vanguard Survey) සමාගම සමඟ එක්ව පවත්වන ලද නවතම "රට හිතන හැටි" (Mood of the Nation) මත විමසුම් වාර්තාවට අනුව, වත්මන් රජයේ අනුමැතිය සහ ජාතික ආර්ථික දර්ශක සම්බන්ධයෙන් වන ජනතා විශ්වාසයේ කැපී පෙනෙන පහළ යාමක් වාර්තා වී තිබේ. 2025 පෙබරවාරි මාසයේදී සියයට 62ක් හා 2026 පෙබරවාරි මාසයේදී සියයට 65ක් ලෙස පැවති ආණ්ඩුවේ අනුමැතිය (Government Approval) 2026 ජූලි මාසය වන විට සියයට 50 (සවිස්තරාත්මකව සියයට 49.83) දක්වා පහත බැස ඇත.

ශ්‍රී ලංකාවේ නව අමෙරිකානු තානාපතිවරයා ලෙස එරික් මේයර් (Eric Meyer) මහතා වොෂින්ටන් නුවර පිහිටි රාජ්‍ය දෙපාර්තමේන්තුවේදී නිල වශයෙන් දිවුරුම් දී තිබේ.

රජය සතු ඌන උපයෝජිත ඉඩම් තෝරා ගනු ලබන ආයෝජකයින් සහ ව්‍යාවසායකයින් වෙත දිගුකාලීන බදු පදනම මත ලබා දීමේ වැඩසටහන සඳහා අමාත්‍ය මණ්ඩල අනුමැතිය හිමිව තිබේ. විදේශ රැකියාවල නිරත වෙමින් මෙරටට විදේශ විනිමය ප්‍රේෂණය කළ හෝ දැනටත් ප්‍රේෂණය කරනු ලබන තරුණ ව්‍යාවසායකයින්ට වැවිලි ක්ෂේත්‍රයේ ආයෝජනය කිරීමට අවස්ථාව සැලසෙන පරිදි යෝග්‍ය වැඩසටහනක් සකස් කිරීම සඳහා 2026-01-12 දින පැවැති අමාත්‍ය මණ්ඩල රැස්වීමේදී මුලින්ම අනුමැතිය හිමිව තිබිණි.

මෙරට විදුලිබල ක්ෂේත්‍රයේ ප්‍රගතිගාමී පියවරක් තබමින්, වාණිජ මට්ටමේ බැටරි බලශක්ති ගබඩා පද්ධති ජාතික විදුලිබල පද්ධතියට එක් කිරීම ලබන සැප්තැම්බර් මස මුලදී ආරම්භ කිරීමට බලශක්ති අමාත්‍යාංශය පියවර ගෙන තිබේ. දිවයින පුරා පිහිටි විදුලිබල සම්ප්‍රේෂණ උපපොළ 16ක් පදනම් කරගනිමින් ක්‍රියාත්මක වන මෙම ව්‍යාපෘතියේ ඉදිකිරීම් කටයුතු මේ වන විට අවසන් අදියරට පැමිණ ඇති බව විදුලිබල බලධාරීන් සනාථ කරයි.

පොදු ප්‍රවාහන සේවාවන්හි නිරත වන රියැදුරන් සහ සහයකයන්ගේ මත්ද්‍රව්‍ය භාවිතය පිළිබඳ සිදු කෙරෙන පරීක්ෂණ කටයුතු සක්‍රිය හා විධිමත් කිරීමේ අරමුණින් සෞඛ්‍ය හා ජනමාධ්‍ය අමාත්‍යාංශය විසින් ජාතික ප්‍රවාහන වෛද්‍ය ආයතනය වෙත අතිනවීන ජංගම රසායනාගාර බස් රථයක් පරිත්‍යාග කර තිබේ. ප්‍රවාහන, මහාමාර්ග හා නාගරික සංවර්ධන අමාත්‍යාංශය මඟින් ක්‍රියාත්මක කෙරෙන මාර්ග ආරක්ෂණ සැලැස්මට සමගාමීව, මගී ජනතාවගේ ජීවිත සුරක්ෂිත කරමින් වඩාත් ගුණාත්මක මෙන්ම ආරක්ෂිත ප්‍රවාහන සේවයක් තහවුරු කිරීම වෙනුවෙන් මෙම පියවර ගෙන ඇත.

ජනාධිපති අනුර කුමාර දිසානායක මහතාගේ ප්‍රධානත්වයෙන් පැවැත්වුණු ‘රටම එකට’ ජාතික මෙහෙයුම් සභාවේදී, මත්ද්‍රව්‍ය සම්බන්ධ අපරාධ සඳහා මරණ දඬුවම ක්‍රියාත්මක කිරීම කෙරෙහි සලකා බලමින් මත්ද්‍රව්‍ය උවදුර මුලිනුපුටා දැමීම උදෙසා කෙටිකාලීන හා දීර්ඝකාලීන පියවර රැසක් පිළිබඳව දීර්ඝ වශයෙන් සාකච්ඡා වී තිබේ. රටේ සමස්ත ආර්ථිකයට, සංචාරක කර්මාන්තයට මෙන්ම සමාජීය හා ආචාරධර්මීය පද්ධතියටම බරපතළ තර්ජනයක් වී ඇති මත්ද්‍රව්‍ය ජාවාරම සහ ඊට අනුබද්ධ අපරාධ මර්දනය කිරීම සඳහා තදබල නීතිරීති පැනවීමේ අවශ්‍යතාව මෙහිදී අවධාරණය කෙරිණි.

දිවයින පුරා ශබ්ද දූෂණය අවම කිරීම උදෙසා ජාතික පරිසර පනත පදනම් කරගනිමින් නව නීති රෙගුලාසි පද්ධතියක් හඳුන්වා දීමට මධ්‍යම පරිසර අධිකාරිය සූදානම් වන බව පරිසර අමාත්‍ය වෛද්‍ය ධම්මික පටබැඳි මහතා සඳහන් කරයි. මෙම රෙගුලාසි සම්මත වීමත් සමඟ පරිසරයට අධික ශබ්ද මුදාහැරීම දණ්ඩනීය වරදක් ලෙස සැලකෙන අතර, අධිකරණ වරෙන්තුවක් රහිතව සැකකරුවන් ක්ෂණිකව අත්අඩංගුවට ගැනීමට පොලිසියට මෙන්ම පරිසර නිලධාරීන්ට ද සම්පූර්ණ නීතිමය බලතල හිමිවනු ඇත.

වසර 30ක් පැරණි රජයේ වැටුප් ගෙවීමේ පද්ධතිය (GPS) වෙනුවට නවීන තොරතුරු තාක්ෂණික පද්ධතියක් සකස් කිරීම සඳහා මුදල් අමාත්‍යාංශය මඟින් ටෙන්ඩර් කැඳවා තිබේ. වත්මන් පද්ධතිය තාක්ෂණික වශයෙන් යල් පැන ගොස් ඇති අතර, නූතන මෙහෙයුම් අවශ්‍යතා සපිරීමට හෝ විකාශනය වන තොරතුරු ආරක්ෂණ අවශ්‍යතාවලට අනුකූල වීමට එය තවදුරටත් අපොහොසත් වීම මෙයට හේතුවයි.