පන්නිපිටිය, දෙපානම ප්රදේශයේ පිහිටි අබලි යකඩ මිලදී ගන්නා වෙළෙඳසැලක අද (21) පෙරවරුවේ හදිසි ගිනිගැනීමක් හටගෙන තිබේ. මහරගම පොලිස් වසමේ බොරැල්ල පාරේ පොල්වත්ත හන්දිය ආසන්නයේ පිහිටි මෙම ස්ථානය තුළ පෙරවරු 9.05ට පමණ ගින්න ආරම්භ වී ඇති බව පොලීසිය සඳහන් කරයි.
හදිසියේ හටගත් ගින්න පාලනය කිරීම සඳහා කෝට්ටේ මහ නගර සභාවට අයත් ගිනි නිවීමේ රථ තුනක් එම ස්ථානයට යොමු කර ඇති අතර, කොළඹ ගිනි නිවීමේ ඒකකයේ ගිනි නිවීමේ රථයක් ද ඊට යොදවා ඇති බව සඳහන් වේ. ඒ අනුව ගිනි නිවීමේ කණ්ඩායම් විසින් ගින්න මැඩපැවැත්වීමේ මෙහෙයුම් ක්රියාත්මක කරනු ලැබීය.
මෙම ගින්න හේතුවෙන් අදාළ වෙළෙඳසැලට මෙන්ම එහි තිබූ භාණ්ඩවලට ද අලාභහානි සිදුව ඇත. කෙසේ වෙතත්, එලෙස අලාභහානි සිදුවුවද සිද්ධියෙන් කිසිදු ජීවිත හානියක් වාර්තා වී නොමැති බව පොලීසිය සඳහන් කරයි.
වෙළෙඳසැල තුළ මෙලෙස ගිනිගැනීමක් හටගැනීමට හේතුව මෙතෙක් අනාවරණය වී නොමැත. සිද්ධිය සම්බන්ධයෙන් මහරගම පොලිස් ස්ථානය මගින් වැඩිදුර විමර්ශන සිදු කරනු ලබයි.