කොල්ලුපිටිය, 6 වැනි පටුමග ප්රදේශයේ පිහිටි බහුමහල් නිවාස සංකීර්ණයක් ආසන්නයේ අද (04) අලුයම 3.00 ට පමණ සිදුවූ වෙඩිතැබීමේ සිදුවීමකින් කාන්තාවක තුවාල ලබා තිබේ. අදාළ මහල් නිවාසයේ ඉහළ මහලක සිටි පුද්ගලයෙකු විසින් එළිමහන් පරිශ්රයේ රැඳී සිටි කාන්තාවන් දෙදෙනෙකු ඉලක්ක කර ගනිමින් මෙම වෙඩි ප්රහාරය එල්ල කර ඇත.
එහිදී වෙඩි වැදීමෙන් තුවාල ලැබූ එක් කාන්තාවක වහාම ක්රියාත්මක වන පරිදි ප්රතිකාර සඳහා කොළඹ ජාතික රෝහල වෙත ඇතුළත් කිරීමට පියවර ගෙන තිබේ. පුද්ගලික හේතුවක් මුල් කරගනිමින් මෙම වෙඩිතැබීම සිදුකර ඇති බවට දැනට සිදුකළ පරීක්ෂණවලදී අනාවරණය වී ඇති බව පොලීසිය පවසයි.
සිද්ධිය සම්බන්ධයෙන් කොල්ලුපිටිය පොලීසිය විසින් වැඩිදුර විමර්ශන කටයුතු සක්රීයව සිදුකරගෙන යනු ලබයි.
