දෙහිවල ජාතික සත්වෝද්යාන පරිශ්රයේ වාසය කළ වයස්ගත ගැහැණු ජිරාෆ් සත්ත්වයා ඊයේ (18) රාත්රී කාලයේදී මියගොස් තිබේ. මියයන විට මෙම සත්ත්වයාගේ වයස අවුරුදු තිහකට ආසන්න වී තිබූ බව ජාතික සත්වෝද්යාන දෙපාර්තමේන්තුව තහවුරු කරයි.
සාමාන්යයෙන් වනගත පරිසරයක් තුළ ජිරාෆ් සත්ත්වයෙකුගේ ආයු කාලය වසර 20 සිට 25 දක්වා සීමා වුවද, මනා රැකබලා ගැනීම් සහ සංරක්ෂණ කළමනාකරණයක් සහිත සත්වෝද්යාන පරිසරයකදී එම සත්ත්වයන්ට ඊට වඩා වැඩි කාලයක් ජීවත් වීමේ හැකියාව පවතී. ඒ අනුව දෙහිවල සත්වෝද්යානයේ සිටි මෙම ජිරාෆ් ධේනුව සාපේක්ෂව ඉතා දීර්ඝ ආයු කාලයක් භුක්ති විඳ ඇති බව සත්වෝද්යාන දෙපාර්තමේන්තු ආරංචි මාර්ග පෙන්වා දෙයි.
මියයාමට ආසන්න කාලසීමාවේදී කිසිදු විශේෂිත රෝගී ලක්ෂණයක් මෙම සත්ත්වයා වෙතින් වාර්තා වී නොතිබූ අතර, වයස්ගත වීමත් සමග මතුවූ ස්වාභාවික ශාරීරික හේතූන් මත මෙම මරණය සිදුව ඇති බවට නිරීක්ෂණය වී ඇත. සිද්ධියට අදාළ වැඩිදුර පශ්චාත් මරණ පරීක්ෂණ කටයුතු අද (19) දින සිදු කිරීමට නියමිතව තිබේ.