ශ්රී ලංකාවේ අධිකරණ පද්ධතිය තුළ පවතින නඩු ප්රමාදයන් අවම කිරීමේ අරමුණින්, විවෘත අධිකරණ වාරයන්හිදී ලබාදෙන සාක්ෂි සටහන් කර ගැනීම සඳහා විශේෂිත නව මෘදුකාංග යෙදවුමක් (App) හඳුන්වා දීමට පියවර ගෙන තිබේ. මෙම නව තාක්ෂණික පද්ධතිය මහේස්ත්රාත් අධිකරණ සහ මහාධිකරණ මට්ටමින් ක්රියාත්මක කිරීමට බලධාරීන් සැලසුම් කර ඇත.
අධිකරණය හමුවේ ඉදිරිපත් වන සියලු සාක්ෂි සටහන් නිවැරදිව පිටපත් කිරීම සඳහා මෙම මෘදුකාංගය කථනය සෘජුවම අකුරු බවට පත්කිරීමේ තාක්ෂණය (Voice-typing technology) භාවිත කරයි. එහි ඇති විශේෂිතම ලක්ෂණය වන්නේ එක් එක් සාක්ෂිකරුවාගේ කටහඬ වෙන් වෙන්ව හඳුනා ගැනීමට ඇති හැකියාවයි.
එමගින් යම් සාක්ෂිකරුවෙකු පසුව නැවත සාක්ෂි ලබාදෙන අවස්ථාවලදී පවා කිසිදු පටලැවිල්ලක් ඇතිවීම වැළැක්වෙයි. අධිකරණ නඩු විභාගයන්හි නඩු වාර්තා සහ නීතිමය සටහන් ලබා ගැනීමට ගතවන දීර්ඝ කාලය හේතුවෙන් නඩු වාරයන් දිගින් දිගටම කල් යෑම මෙරට අධිකරණ පද්ධතියේ කලක පටන් පැවැති බරපතල ගැටලුවකි. මෙම නව යෙදවුම මහේස්ත්රාත් සහ මහාධිකරණ වෙත හඳුන්වා දීම හරහා අදාළ ප්රමාදයන් අවම කරමින් අධිකරණ ක්රියාවලියේ සමස්ත කාර්යක්ෂමතාව ඉහළ නැංවීමට බලධාරීන් අපේක්ෂා කරයි.