ඊයේ මධ්යම රාත්රියේ සිට ක්රියාත්මක වන පරිදි මෙරට ප්රමුඛතම ගෑස් සමාගමක් වන ලිට්රෝ ගෑස් ලංකා සමාගම සිය ගෘහස්ථ ගෑස් සිලින්ඩරවල මිල ගණන් පහළ දැමීමට පියවර ගෙන තිබේ. මේ යටතේ ජනතාව බහුලවම භාවිත කරන කිලෝග්රෑම් 12.5ක බරින් යුත් ගෘහස්ථ ගෑස් සිලින්ඩරයක මිල රුපියල් 300කින් අඩු කර ඇති අතර, ඒ අනුව එහි නවතම සිල්ලර මිල රුපියල් 4,465ක් දක්වා පහත වැටේ.
මීට අමතරව කිලෝග්රෑම් 5ක කුඩා ප්රමාණයේ ලිට්රෝ ගෑස් සිලින්ඩරයක මිල රුපියල් 118කින් අඩු කර ඇති අතර එහි නව මිල රුපියල් 1,792ක් ලෙස සටහන් වේ. එමෙන්ම කිලෝග්රෑම් 2.3ක ගෑස් සිලින්ඩරයක මිල රුපියල් 55කින් පහත දමා ඇති හෙයින් පාරිභෝගිකයන්ට එය රුපියල් 835ක මුදලකට මිලදී ගැනීමට අවස්ථාව හිමි වෙයි.
ලිට්රෝ සමාගමට සමගාමීව ඊයේ මධ්යම රාත්රියේ සිටම ක්රියාත්මක වන පරිදි ලාෆ්ස් ගෑස් සමාගමද සිය නිෂ්පාදනවල මිල ගණන් සැලකිය යුතු මට්ටමකින් පහත දැමීමට කටයුතු කර තිබේ. ඒ අනුව එම සමාගම මඟින් අලෙවි කරනු ලබන කිලෝග්රෑම් 12.5ක ගෘහස්ථ ගෑස් සිලින්ඩරයක මිල රුපියල් 1,280ක ඉහළ අගයකින් අඩු කර ඇති අතර එහි නව මිල රුපියල් 4,965ක් ලෙස ප්රකාශයට පත් කර ඇත.
එමෙන්ම ලාෆ්ස් සමාගමේ කිලෝග්රෑම් 5ක බරින් යුත් ගෑස් සිලින්ඩරයක මිල ද රුපියල් 512කින් අඩු කිරීමට පියවර ගෙන ඇති අතර ඒ අනුව පාරිභෝගිකයන්ට එම සිලින්ඩරයක් රුපියල් 1,988ක නව මිලකට මිලදී ගත හැකිය.