ඇමරිකානු ජනාධිපතිවරයා තවත් නිමාවක් නොමැති යුද්ධයක (forever war) දැඩි අවදානමකට මුහුණ දෙමින් සිටින බව ලන්ඩනයේ කිංග්ස් විද්යාලයේ යුධ අධ්යයනය පිළිබඳ සම්මානිත මහාචාර්ය ලෝරන්ස් ඩී. ෆ්රීඩ්මන් කියයි.
ඔහු පවසන පරිදි, ප්රබල හමුදාවන් මෙහෙයවන නායකයින් බොහෝ විට "කෙටි යුධ මුලාවට" හසු වීමේ ප්රවණතාවයක් ඇත. ඔවුන් සිතන්නේ තමන්ට ඉක්මනින් ජයග්රහණය කළ හැකි බවත් ඉන් අයහපත් ප්රතිවිපාකවලට මුහුණ දීමට සිදු නොවන බවත්ය. යුක්රේනය තුළ රුසියානු ජනාධිපති ව්ලැඩිමීර් පුටින් ක්රියා කරන ආකාරය මෙන්ම ඉරානය සම්බන්ධයෙන් කටයුතු කරන ඇමරිකානු ජනාධිපති ට්රම්ප් ද හමුදා බලයේ සීමාවන් වටහා ගැනීමට අපොහොසත් වී ඇති බවත්, එමගින් දිගුකාලීන අරගලයකින් තොරව අරමුණු සාක්ෂාත් කරගත නොහැකි තත්වයක් උද්ගත වී ඇති බවත් ඔහු වැඩිදුරටත් අවධාරණය කරයි.යුධ පිටියේ උත්තරීතර බව දේශපාලනික හා රාජ්ය තාන්ත්රික සාර්ථකත්වයන් බවට පත් කිරීමට නිසි උපාය මාර්ගයක් නොමැති නම් අති නවීන හමුදාවන් පවා ප්රමාණවත් නොවන බව පෙනෙන්නට තිබේ. 1991 පර්සියානු ගල්ෆ් යුද්ධය සාර්ථක වූයේ කුවේටයෙන් සදාම් හුසේන් පලවා හැරීමේ සීමිත දේශපාලන අරමුණක් ජෝර්ජ් එච්. ඩබ්ලිව්. බුෂ් ජනාධිපතිවරයාට තිබූ බැවිනි. නමුත් ඉන් පසු ඉරාකයේ සහ ඇෆ්ගනිස්ථානයේ ඇති වූ ගැටුම් දිගුකාලීන අසාර්ථකත්වයන් බවට පත් විය. වර්තමානයේදී, ජනාධිපතිවරයා ඉරාන භූමිය තුළ ඇමරිකානු පාබල හමුදා යෙදවීමෙන් තොරව, දේශපාලනික වශයෙන් වඩාත් පහසු ගුවන් සහ නාවික බලය පමණක් භාවිතා කරමින් ජයග්රහණය ලබා ගැනීමේ අභියෝගයකට මුහුණ දී සිටී.
වොෂින්ටනයේ ජෝන්ස් හොප්කින්ස් විශ්වවිද්යාලයේ මහාචාර්ය වලි නස්ර් පෙන්වා දෙන්නේ වර්තමාන තත්ත්වය යනු 1979 ඉරාන ෂා රජුගේ පාලනය බිඳවැටීම සහ ඇමරිකානු ප්රාණ ඇපකරුවන් ගැනීමෙන් පසු ආරම්භ වූ දශක ගණනාවක ගැටුමේ තවත් එක් අදියරක් පමණක් බවයි. 2018 වසරේදී ට්රම්ප් මහතා විසින් 2015 ඉරාන න්යෂ්ටික ගිවිසුමෙන් ඉවත් වීම මෙහි එක් උච්චතම අවස්ථාවකි. මීට අමතරව, කානගී එන්ඩව්මන්ට් ආයතනයේ ආරොන් ඩේවිඩ් මිලර් පවසන්නේ, ඊශ්රායලයේ බලපෑම මත ලෙබනනය, පලස්තීනය සහ යේමනය යන රටවල ඉරාන නියෝජිත කණ්ඩායම් (proxies) හරහා සිදුවන ඊශ්රායලය සහ ඉරානය අතර පවතින තවත් සමාන්තර "නිමක් නැති යුද්ධයකට" ද ජනාධිපතිවරයා මැදිහත් වී ඇති බවයි.
වියට්නාමය, ඉරාකය හෝ ඇෆ්ගනිස්ථානය වැනි රටවල් සමඟ ඇමරිකාව කළ යුද්ධවලට වඩා ඉරානය සමඟ ඇති ගැටුම සම්පූර්ණයෙන්ම වෙනස් ස්වභාවයක් ගනී. හෝමුස් සමුද්ර සන්ධිය හරහා ගමනාගමනය අවහිර කිරීමෙන් ඇමරිකා එක්සත් ජනපදයට දැඩි ආර්ථික බලපෑමක් එල්ල කිරීමේ හැකියාව ඉරානය සතුව පවතී. වොෂින්ටනයේ බෘකින්ස් ආයතනයේ විදේශ ප්රතිපත්ති අධ්යක්ෂිකා සුසාන් මැලෝනි සඳහන් කරන පරිදි, මෙම කලාපයේ බල තුලනය පිළිබඳව ඇමරිකාවට තිබූ වැරදි වැටහීම් හේතුවෙන් තත්වය දැන් සම්පූර්ණයෙන්ම වෙනස් වී ඇති අතර, හෝමුස් සමුද්ර සන්ධියේ නිදහස් ගමනාගමනය පැවති යුගය බොහෝ දුරට අවසන් වී තිබිය හැක.
මෙම අර්බුදය සඳහා සාකච්ඡා මාර්ගයෙන් විසඳුමක් ලබා ගැනීම තවමත් බොහෝ දුරස්ථ බවක් පෙනෙන්නට තිබේ. අනාගතයේදී විසඳා ගත හැකි ගැටළු කල්දමමින් අවම රාමුගත ගිවිසුමකට හෝ එළඹීමට පාර්ශවයන් දෙකම අපොහොසත් වී ඇති බව විශ්ලේෂක වයෙස් මහතා පෙන්වා දෙයි. ඉරානයට සාපේක්ෂව වොෂින්ටනයට මෙම යුද්ධයේදී ඇති අවදානම කුඩා වුවද, සහ ඇමරිකානු පාර්ශවයේ වේගය අඩාල වෙමින් පැවතියද, ඉරානය එකම තීව්රතාවයකින් යුතුව කටයුතු කිරීමට සූදානම්ව සිටින බැවින් මෙය තවත් එක් කඩින් කඩ ඇතිවන ගැටුමක් සහ නිමක් නැති යුද්ධයක් දක්වා පවත්වාගෙන යාමේ පදනම නිර්මාණය වී ඇත.