මීගමුව බන්ධනාගාරයේ සිදුවූ නොසන්සුන්කාරී තත්ත්වය අතරතුර අපරාධමය වරදක් සිදුව ඇති බව මීගමුව මහේස්ත්රාත් අධිකරණය මගින් ප්රකාශයට පත් කර තිබේ. ජූලි මස 5 සහ 6 යන දිනවල හටගත් මෙම කලබලකාරී සිදුවීමට අදාළ නඩුව අද දින මහේස්ත්රාත්වරිය හමුවේ කැඳවූ අතර, එහිදී විමර්ශනවල ප්රගතිය දක්වන වැඩිදුර වාර්තාවක් ඉදිරිපත් කිරීමට අපරාධ පරීක්ෂණ දෙපාර්තමේන්තුව කටයුතු කළේය.
එම නොසන්සුන්කාරී වාතාවරණය හේතුවෙන් මරණ 28 ක් වාර්තා වී ඇති අතර, ඉන් පුද්ගලයන් 17 දෙනෙකුගේ මරණයට හේතුව වී ඇත්තේ ගිනි අවිවලින් සිදුවූ තුවාල බව එහිදී අනාවරණය විය. මෙහිදී මරණ 33 ක් වාර්තාවූ අතර ඒ අනුව ඉතිරි 16 සිදුව ඇත්තේ පහරදීම් හා තුවාලකිරීම් වලිනි.මෙම සිදුවීමට සම්බන්ධ වැරදිකරුවන් වහාම හඳුනාගෙන අත්අඩංගුවට ගෙන අධිකරණය හමුවට ඉදිරිපත් කරන ලෙස මීගමුව මහේස්ත්රාත් ශිලානි පෙරේරා මහත්මිය විසින් අපරාධ පරීක්ෂණ දෙපාර්තමේන්තුවට නියෝග කර ඇත. එහිදී සිදුවූ ඉතිරි මරණ සඳහා හේතුව වී ඇත්තේ මෙම නොසන්සුන්කාරී වාතාවරණය අතරතුර මාරාන්තික ආයුධවලින් එල්ල වූ බරපතල පහරදීම් බව මහේස්ත්රාත්වරිය සඳහන් කළාය.
බන්ධනාගාරය තුළට මත්ද්රව්ය ඇතුළු කිරීමට දැක්වූ උත්සාහයන් පිළිබඳව බන්ධනාගාර නිලධාරීන්ට රහසිගතව තොරතුරු ලබා දුන්නේ යැයි සැකකෙරුණු රැඳවියන් පිරිසක් ඉලක්ක කරගනිමින් මුල් අවස්ථාවේදී මෙම නොසන්සුන්කාරී තත්ත්වය ආරම්භ වී ඇති බව මූලික පරීක්ෂණවලදී හෙළි වූ බව සීඅයිඩී නිලධාරීන් අධිකරණයට පවසා තිබේ. තවද, මෙම සිදුවීමට සම්බන්ධ සැකකරුවන් 40 දෙනෙකුගේ අන්වර්ථ නාම මේ වන විට හඳුනාගෙන ඇති අතර, ඔවුන්ගේ සැබෑ අනන්යතාව තහවුරු කරගැනීම සඳහා පුළුල් විමර්ශන ක්රියාත්මක බවද නිලධාරීන් වැඩිදුරටත් අධිකරණය හමුවේ තහවුරු කළේය.