වනාතවිල්ලුව සහ කඩුවෙල යන පොලිස් බලප්රදේශවලින් පාවෙමින් තිබූ පිරිමි පුද්ගල මළ සිරුරු දෙකක් සොයාගෙන ඇති බව පොලිස් මාධ්ය ප්රකාශක කාර්යාලය පවසයි. පසුගිය ජූනි 20 වනදා දහවල් කාලයේදී අදාළ පොලිස් ස්ථාන වෙත ලැබුණු තොරතුරුවලට අනුව මේ පිළිබඳව විමර්ශන කටයුතු ආරම්භ කර තිබේ.
වනාතවිල්ලුව පොලිස් වසමට අයත් විල්ලුවේ පාවෙමින් තිබියදී සොයාගත් පිරිමි මළ සිරුරේ අනන්යතාවය මෙතෙක් තහවුරු වී නොමැත. ප්රදේශවාසීන්ගෙන් ලද තොරතුරක් මත වනাতවිල්ලුව පොලීසිය විසින් පරීක්ෂණ අරඹා ඇති අතර, මියගිය පුද්ගලයාගේ ශරීරය මේ වන විට පුත්තලම රෝහලේ මෘත ශරීරාගාරයේ තැන්පත් කර ඇත. මේ පිළිබඳව වනාතවිල්ලුව පොලීසිය වැඩිදුර විමර්ශන සිදුකරයි.
මේ අතර, කඩුවෙල පොලිස් වසමට අයත් බෝගහවත්ත ප්රදේශයේ කැලණි ගඟේ පාවෙමින් තිබූ අනෙක් පිරිමි මළ සිරුර ද එදිනම දහවල් කාලයේදී සොයාගෙන තිබේ. කඩුවෙල පොලිස් ස්ථානයට ලද තොරතුරක් මත සිදුකළ මූලික විමර්ශනවලදී හෙළිවී ඇත්තේ, මෙලෙස මියගොස් ඇත්තේ තිත්තපත්තර ප්රදේශයේ පදිංචිව සිටි 38 හැවිරිදි පුද්ගලයෙකු බවයි. පශ්චාත් මරණ පරීක්ෂණය පැවැත්වීම සඳහා එම මෘත ශරීරය නැගෙනහිර කොළඹ රෝහලේ මෘත ශරීරාගාරයේ තැන්පත් කර ඇති අතර, කඩුවෙල පොලීසිය වැඩිදුර විමර්ශන කටයුතු මෙහෙයවනු ලබයි.