රාජකාරි වැටලීමක් අතරතුර මිල්ලනිය පොලිසියේ දූෂණ මර්දන අංශයට අනුයුක්තව සේවය කරන 48 හැවිරිදි පොලිස් සැරයන්වරයකු සර්ප දෂ්ටයකට ලක්ව හොරණ දිස්ත්රික් මහ රෝහලට ඇතුළත් කර ඇති බව රෝහල් ආරංචි මාර්ග පවසයි.මෙම සිද්ධිය ඉකුත් 15 වැනිදා රාත්රියේ සිදුව ඇත. මිල්ලනිය පොලිස් බල ප්රදේශයේ වැටලීමක් සිදුකරමින් සිටියදී අදාළ නිලධාරියා සර්පයකුගේ දෂ්ටයට ලක්ව ඇති බවට තොරතුරු අනාවරණය වී ඇත.
ඔහුට දෂ්ට කළේ කුමන වර්ගයේ සර්පයකුද යන්න මෙතෙක් අනාවරණය වී නොමැති අතර, වෛද්යවරුන්ගේ දැඩි නිරීක්ෂණය යටතේ ප්රතිකාර ලබා දෙමින් සිටින බවද වාර්තා වේ. රාත්රී කාලයේ සිදුකරන වැටලීම් විශේෂ මෙහෙයුම්වලදී පොලිස් නිලධාරීන් විවිධ අවදානම් තත්ත්වයන්ට මුහුණ දෙන අතර, මෙම සිද්ධියද එවැනි රාජකාරි අවදානමකදී සිදුවූ අනතුරක් ලෙස සැලකේ. නිලධාරියාගේ සෞඛ්ය තත්ත්වය පිළිබඳව වෛද්ය කාර්ය මණ්ඩලය නිරන්තරයෙන් අධීක්ෂණය කරමින් සිටින බවද රෝහල් ආරංචි මාර්ග වැඩිදුරටත් පැවසීය.සිද්ධිය සම්බන්ධයෙන් වැඩිදුර විමර්ශන මිල්ලනිය පොලිසිය මගින් සිදු කරනු ලබයි.
