කුලියාපිටිය විජය උදා ගම්පොළ ක්රීඩාපිටියේ සංවිධානය කර තිබූ අවුරුදු සංගීත ප්රසංගයක් අතරවාරයේදී ජාතික ජන බලවේගයේ පඬුවස්නුවර ප්රාදේශීය සභා මන්ත්රීවරයෙකුට පහරදීමේ සිද්ධියක් සම්බන්ධයෙන් පුද්ගලයින් නව දෙනෙකු කුලියාපිටිය මූලස්ථාන පොලිසිය මගින් ඉකුත් 18 වැනිදා අත්අඩංගුවට ගෙන තිබේ. අප්රේල් 17 වැනි දින පැවති සිංහල අලුත් අවුරුදු උත්සවයට සමගාමීව රාත්රී කාලයේ පැවති මෙම සංදර්ශනය අතරතුර අදාළ පහරදීම සිදුව ඇති බව පොලිස් විමර්ශනවලදී තහවුරු වී ඇත.
මෙම ප්රහාරයට මුහුණ දී ඇත්තේ අනුක්කනය ප්රදේශයේ පදිංචිකරුවෙකු වන 48 හැවිරිදි ආර්.එම්.යූ. නිශාන්ත රත්නායක නැමැති මන්ත්රීවරයාය. ප්රහාරයෙන් තුවාල ලබා ඇති ඔහු මේ වන විට කුලියාපිටිය ශික්ෂණ රෝහලට ඇතුළත් කර එහි නේවාසිකව වෛද්ය ප්රතිකාර ලබමින් සිටියි.
සිද්ධියට අදාළව පොලිස් භාරයට ගත් සැකකරුවන් සියලු දෙනාම වයස අවුරුදු 26ත් 59ත් අතර පසුවන, එම ප්රදේශයේම පදිංචි කුලී රැකියාවල නිරත වන පුද්ගලයින් බවට හඳුනාගෙන ඇත. අත්අඩංගුවට පත් පිරිස කුලියාපිටිය මහේස්ත්රාත් අධිකරණය වෙත ඉදිරිපත් කිරීමට නියමිතව තිබූ අතර, සිද්ධිය සම්බන්ධයෙන් කුලියාපිටිය මූලස්ථාන පොලිසිය මගින් අඛණ්ඩව වැඩිදුර විමර්ශන කටයුතු සිදු කරනු ලබයි.
