ලංකා ඛනිජ තෙල් නීතිගත සංස්ථාව (සිපෙට්කෝ) විසින් 2026 මාර්තු මස 21 වන දින මධ්යම රාත්රී 12.00 සිට ක්රියාත්මක වන පරිදි සියලුම ඉන්ධන මිල ගණන් සැලකිය යුතු අගයකින් ඉහළ දැමීමට තීරණය කර තිබේ. ඒ අනුව දිවයින පුරා පිහිටි සියලුම සිපෙට්කෝ පිරවුම්හල් හරහා මෙම නව මිල සංශෝධනය යටතේ ඉන්ධන අලෙවි කෙරෙනු ඇත.
මෙම නව මිල සංශෝධනයට අනුව ලංකා පෙට්රල් 92 ඔක්ටේන් ලීටරයක මිල රුපියල් 81 කින් ඉහළ නංවා ඇති අතර එහි නව මිල රුපියල් 398 ක් බවට පත්ව ඇත. එසේම ලංකා පෙට්රල් 95 ඔක්ටේන් යුරෝ 4 ලීටරයක මිල රුපියල් 90 කින් ඉහළ නංවා ඇති බැවින් එහි නව අලෙවි මිල රුපියල් 455 ක් වනු ඇත. ඩීසල් මිල ගණන් ද මීට සමගාමීව ඉහළ ගොස් ඇති අතර, ලංකා සුදු ඩීසල් ලීටරයක් රුපියල් 79 කින් ඉහළ දැමීම හේතුවෙන් පාරිභෝගිකයින්ට ඒ සඳහා රුපියල් 382 ක නව මුදලක් ගෙවීමට සිදුවේ. ලංකා සුපිරි ඩීසල් 4 ස්ටාර් යුරෝ 4 ලීටරයක මිල ද රුපියල් 90 කින් ඉහළ නංවා ඇති අතර ඒ අනුව එහි නව මිල රුපියල් 443 ක් ලෙස සටහන් වේ. මීට අමතරව ලංකා භූමිතෙල් ලීටරයක මිල ද රුපියල් 60 කින් ඉහළ නංවා තිබේ. ඒ අනුව මෙතෙක් රුපියල් 195 කට අලෙවි වූ භූමිතෙල් ලීටරයක නව මිල රුපියල් 255 ක් දක්වා වැඩි වී ඇත.
