ශ්රී ලාංකික මූලයන් සහිත තරුණියක ප්රංශයේ උතුරුමැද කලාපයට අයත් පොන්ටෝ කොම්බෝ නගරයේ නියෝජ්ය නගරාධිපතිනිය ලෙස තේරී පත්වී තිබේ. විදෙස් මාධ්ය තොරතුරු වලට අනුව මෙලෙස අදාළ තනතුරට පත්ව ඇත්තේ යාපනයේ කයිට්ස් ප්රදේශයෙන් ප්රංශයට සංක්රමණය වූ පවුලකින් පැවත එන විසිපස් හැවිරිදි ආදිත්යා ආනන්දරාසා නමැති තරුණියයි.
පසුගියදා නිමාවට පත් වූ නගර සභා මැතිවරණයේදී කැපී පෙනෙන විශිෂ්ට ජයග්රහණයක් ලබාගැනීමට ඇය සමත් වී ඇත.පොන්ටෝ කොම්බෝ නගරයේ ජනතාව අතර ඉතා ඉහළ ජනප්රියත්වයක් හිමිකරගෙන සිටින ආදිත්යා, දේශපාලන ක්ෂේත්රයට ප්රවිෂ්ට වී ඇත්තේ ඇයට වයස අවුරුදු දහනවයක් තරම් වූ ළාබාල අවධියේදීය. එම වකවානුවේදීම අදාළ නගර සභාවේ මන්ත්රීවරියක ලෙස තේරී පත්වීමට තරම් ඇය දක්ෂ වූවාය. විශේෂයෙන්ම තම නගරයේ ප්රජා කටයුතු වෙනුවෙන් ඉහළ උනන්දුවකින් යුතුව නිරන්තරයෙන්ම මැදිහත් වීම ඇයගේ මෙම දේශපාලන ගමනට ප්රබල පිටුවහලක් වී තිබේ.
කුඩා කල පටන්ම විවිධ ප්රජා සත්කාරක ක්රියාකාරකම් සඳහා සම්බන්ධ වී ඇති ඇය, පරිසරය සුරැකීම මෙන්ම ආබාධිත ප්රජාව සමාජයට අනුගත කිරීම සම්බන්ධයෙන් වූ දැනුවත් කිරීමේ ව්යාපෘති රැසකටම සිය සක්රීය දායකත්වය ලබා දී ඇත. මෙතරම් ලාබාල වයසකදී නියෝජ්ය නගරාධිපතිනියක් ලෙස ඇය ලැබූ මෙම ජයග්රහණය, ප්රංශයේ වෙසෙන සෙසු තරුණ පරපුරට ද ප්රජා සේවයට සහ දේශපාලනයට පිවිසීම සඳහා දැඩි පෙලඹවීමක් ඇති කරනු ඇති බව විදෙස් මාධ්ය වැඩිදුරටත් අවධාරණය කර සිටියි.
