කොල්කටා නුවරදී පැවැති 'සී' කාණ්ඩයේ තවත් තරගයකින් ස්කොට්ලන්තය පරාජය කරමින් කඩුලු 5ක ජයග්රහණයක් අත්කර ගැනීමට එංගලන්ත කණ්ඩායම සමත් විය. පළමුවෙන් පන්දුවට පහර දුන් ස්කොට්ලන්තය ලකුණු 152ක ඉලක්කයක් ලබා දුන් අතර, එංගලන්තය පන්දුවාර 18යි පන්දු 2කදී කඩුලු 5ක් පමණක් දැවී ජයග්රාහී ඉලක්කය පසුකර ගියේය. ස්කොට්ලන්ත පන්දු යවන්නන් මුලදී යම් පීඩනයක් එල්ල කළද, එංගලන්ත මැදපෙළ පිතිකරුවන් ඉතා වගකීමෙන් ක්රීඩා කරමින් සිය කණ්ඩායම කඩාවැටීමකට ලක්නොවී ජයග්රහණය කරා මෙහෙයවනු ලැබීය. යුරෝපීය කණ්ඩායම් හමුවේ මෑතකදී මුහුණ දුන් අසීරු තත්ත්වයන් නිමා කරමින් ලබාගත් මෙම වෘත්තීය මට්ටමේ ජයග්රහණය, එංගලන්තයේ සුපිරි 8 වටයේ ගමන සඳහා ඉතා තීරණාත්මක එකක් විය.
මේ අතර අහමදාබාද්හි පැවැති 'ඩී' කාණ්ඩයේ තරගයකින් නවසීලන්තයට එරෙහිව කඩුලු 7ක විශිෂ්ට ජයග්රහණයක් වාර්තා කිරීමට දකුණු අප්රිකාව සමත් විය. පළමුවෙන් පන්දුවට පහර දුන් නවසීලන්තය වෙනුවෙන් මාක් චැප්මන් ලකුණු 48ක් රැස් කළද, මාකෝ ජැන්සන්ගේ කඩුලු 4ක දක්ෂතාවය හමුවේ ඔවුන්ගේ ලකුණු ලබාගැනීමේ වේගය අඩාල වූ අතර කඩුලු 7ක් දැවී ඔවුන්ට ලබාගත හැකි වූයේ ලකුණු 175ක් පමණි. පන්දුවාර 17යි පන්දු එකකදී කඩුලු 3ක් පමණක් දැවී ලකුණු 178ක් ලබාගත් දකුණු අප්රිකාව එම ඉලක්කය පහසුවෙන් සපුරා ගත්තේය. නායක ඒඩ්න් මාක්රම් පන්දු 44කදී හයේ පහර 4ක් සමගින් නොදැවී ලබාගත් ලකුණු 86 ජයග්රහණයේ නියමුවා විය. මෙම තරගාවලියේදී නවසීලන්තය ලැබූ පළමු පරාජය මෙය වන අතර, දකුණු අප්රිකාව අඛණ්ඩව ලැබූ තෙවන ජයග්රහණයත් සමගින් සුපිරි 8 වටයට පිවිසීමේ අවස්ථාව තවදුරටත් තහවුරු කර ගත්තේය.
හෙට (15) තරග
ක්රිකට් ලෝලීන්ගේ අවධානය දිනාගනිමින් හෙට දිනයේදී තීරණාත්මක තරග කිහිපයක් පැවැත්වීමට නියමිතව ඇති අතර එහිදී ඉන්දියාව සහ පකිස්ථානය අතර පැවැත්වෙන ප්රබල ගැටුම ප්රධානතම අවධානය දිනාගෙන තිබේ. කොළඹ ආර්. ප්රේමදාස ක්රීඩාංගණයේදී පැවැත්වෙන මෙම 27 වැනි තරගය "A" කාණ්ඩය යටතේ හෙට පස්වරු 7:00 ට ආරම්භ වීමට නියමිතව ඇත්තේ දෙරට අතර පවතින සාම්ප්රදායික ක්රිකට් උණුසුම යළිත් වරක් ප්රේක්ෂකයන් හමුවට ගෙන එමිනි.
එමෙන්ම එදිනම මුම්බායිහි වන්කඩේ ක්රීඩාංගණයේදී "C" කාණ්ඩය යටතේ බටහිර ඉන්දීය කොදෙව් කණ්ඩායම සහ නේපාලය අතර තවත් තීරණාත්මක තරගයක් පැවැත්වෙනු ඇත. මෙම 25 වැනි තරගය හෙට පෙරවරු 11:00 ට ආරම්භ වීමට නියමිතව ඇති අතර කොදෙව්වන්ගේ ප්රබලත්වයට එරෙහිව නැගී එන නේපාල කණ්ඩායම කෙබඳු අභියෝගයක් එල්ල කරන්නේද යන්න පිළිබඳව බොහෝ දෙනා විමසිල්ලෙන් පසුවේ.
මීට අමතරව චෙන්නායිහි එම්. ඒ. චිදම්බරම් ක්රීඩාංගණයේදී "A" කාණ්ඩය යටතේ අමෙරිකා එක්සත් ජනපදය සහ නැමීබියාව අතර 26 වැනි තරගය පැවැත්වීමට කටයුතු සූදානම් කර තිබේ. හෙට පස්වරු 3:00 ට ආරම්භ වීමට නියමිත මෙම තරගය එම කාණ්ඩයේ ඉදිරි ගමන් මග තීරණය කිරීම සඳහා අතිශයින් වැදගත් වනු ඇතැයි ක්රීඩා
