බස්නාහිර පළාතේ, විශේෂයෙන්ම කොළඹ නගරය කේන්ද්ර කරගනිමින් රාජකාරී කරන පොලිස් නිලධාරීන් මුහුණ දෙන නිල නිවාස ගැටලුවට ස්ථිර විසඳුමක් ලබාදීම සඳහා මහජන ආරක්ෂක අමාත්යාංශය පියවර ගෙන ඇත. අමාත්යාංශය අපේක්ෂා කරන්නේ, කොළඹ හා තදාසන්න ප්රදේශවල සේවය කරන නිලධාරීන්ට අවශ්ය සියලු පහසුකම් සහිත නවාතැන් පහසුකම් සැලසීම මඟින් ඔවුන්ගේ සේවය වඩාත් කාර්යක්ෂම කිරීමටයි.
මෙම අරමුණ සාක්ෂාත් කර ගැනීම සඳහා, නාගරික සංවර්ධන අධිකාරිය (UDA) විසින් කොළඹ 13, සිරිල් සී. පෙරේරා මාවතේ ඉදිකරන ලද 'Harbour View Residencies' නිවාස සංකීර්ණය තෝරාගෙන තිබේ. මහල් දහහතරකින් යුත් මෙම නවීන නිවාස සංකීර්ණයේ මුළු නිවාස ඒකක 452ක් ඇති අතර, ඉන් ඒකක 350ක් ශ්රී ලංකා පොලීසිය වෙනුවෙන් මිලදී ගැනීමට නියමිතය.
මුලින් රාජ්ය හා අර්ධ රාජ්ය ආයතනවල නිලධාරීන් ඉලක්ක කර ගනිමින් ඉදිකරන ලද මෙම නිවාස සංකීර්ණය තුළ, පොලිස් නිලධාරීන් සඳහා විශේෂිත අවශ්යතා සපුරාලන පහසුකම් ඇතුළත් කිරීමට සැලසුම් කර ඇත. එපමණක් නොව, මෙම නිවාසවල පදිංචි වන නිලධාරීන්ගේ වාහන සඳහා අවශ්ය ප්රමාණවත් වාහන නැවතුම් පහසුකම් නාගරික සංවර්ධන අධිකාරිය මඟින් ඉදිකරවීමට අමාත්ය මණ්ඩල අනුමැතියද හිමිව තිබේ.