කෘෂිකර්ම, පශු සම්පත්, ඉඩම් හා වාරිමාර්ග අමාත්ය කේ.ඩී. ලාල් කාන්ත මහතා පවසන්නේ, ආපදාවට පත්වූවන්ට සහන සැලසීමේ ඇතැම් කටයුතු "සියයට සියයක්ම ඉහළම මට්ටමෙන් සිදුවනවා" යැයි පැවසීමට තමා සූදානම් නැති බවයි.
කෙසේවෙතත්, රට තුළ ආහාර හිඟයක් ඇති වන තරම් දරුණු බලපෑමක් මෙම ආපදා තත්ත්වය මගින් සිදු වී නොමැති බවද අමාත්යවරයා අවධාරණය කළේය.අමාත්යවරයා මෙම අදහස් පළ කළේ මහනුවර දිස්ත්රික් ලේකම් කාර්යාලයේ පැවති සාකච්ඡාවක් අතරතුරදීය.
ඒ අනුව, ඉදිරියේදී රට තුළ ආහාර හිඟයක් ඇති නොවන බවට ඔහු විශ්වාසය පළ කළේය. ආපදාවෙන් විපතට පත් පුද්ගලයන්ට රුපියල් 25,000ක මුදල් දීමනාව ලබාදීම මේ වන විට අවසන් වෙමින් පවතින බවද, රුපියල් 50,000ක දීමනාව ලබාදීමේදී ඇතැම් ගැටලු මතු විය හැකි අතර එය ස්වාභාවික තත්ත්වයක් බවද අමාත්යවරයා මෙහිදී සඳහන් කළේය.
භාණ්ඩ ලබා ගැනීම සඳහා වන රුපියල් 50,000ක දීමනාව සම්බන්ධයෙන් විවිධ ගැටලු පැන නැගී ඇති අතර, ඇතැම් පුද්ගලයන්ට මෙම මුදල ලබා දිය යුතුද යන්න පිළිබඳවද ප්රශ්න මතුවන බව හෙතෙම පැවසීය. එමෙන්ම, ඇතැම් පුද්ගලයන් සිතන්නේ රාජ්ය නිලධාරීන්ට ආපදාවක් සිදු නොවී, තමන්ට පමණක් එය සිදුවූවාය යන මානසිකත්වයෙන් බවද අමාත්යවරයා පෙන්වා දුන්නේය. එහෙත්, මෙම ආපදාවේ බලපෑම පොදුවේ සියලු දෙනාටම එක ලෙස බලපා ඇති බවද හෙතෙම අවධාරණය කළේය. "එහෙත්, සියයට සියයක්ම ඉහළම මට්ටමෙන් මෙම කටයුතු සිදුවනවා යැයි ප්රකාශ කිරීමට මා සූදානම් නැහැ," යනුවෙන් අමාත්යවරයා වැඩිදුරටත් අවධාරණය කළේය.