රටට බලපෑ ආපදා තත්ත්වයන් හේතුවෙන් සේවයට නොපැමිණි රාජ්ය නිලධාරීන් සඳහා විශේෂ නිවාඩු ලබාදීමට රජය තීරණය කර තිබේ.
ඊට අදාළ චක්රලේඛය රාජ්ය පරිපාලන, පළාත් සභා සහ පළාත් පාලන අමාත්යාංශ ලේකම්වරයා විසින් සියලු අමාත්යාංශ ලේකම්වරුන්, පළාත් ප්රධාන ලේකම්වරුන් සහ දෙපාර්තමේන්තු ප්රධානීන් වෙත ඊයේ (16) නිකුත් කරනු ලැබීය.
ඒ අනුව, දිට්වා සුළි කුණාටුව හේතුවෙන් සිය පදිංචි ස්ථානයේ සිට සේවා ස්ථානය වෙත පොදු ප්රවාහන සේවා ඇණහිටීම නිසා සේවයට වාර්තා කිරීමට නොහැකි වූ නිලධාරීන්, මාර්ග අවහිර වීම හේතුවෙන් හෝ ව්යසනයන්ගෙන් විපතට පත්වීම හේතුවෙන් සේවයට වාර්තා කිරීමට නොහැකි වූ නිලධාරීන් සඳහා මෙම විශේෂ නිවාඩු ලබාදීමට නියමිතය.
එම විශේෂ නිවාඩු ලබාගැනීම සඳහා තමාට රාජකාරියට වාර්තා කිරීමට නොහැකි වූ හේතුව සඳහන් කරමින්, ප්රාදේශීය ලේකම් විසින් සහතික කරන ලද තම ප්රදේශයේ ග්රාම නිලධාරීගේ නිර්දේශය ඇතුළත් ඉල්ලීමක් ආයතන ප්රධානියා වෙත ඉදිරිපත් කළ යුතු වේ.
ප්රාදේශීය ලේකම්වරයා විසින් සහතික කරන ලද නිලධාරියාගේ ඉල්ලීම ආයතන ප්රධානියා විසින් පරීක්ෂා කර, එහි නිරවද්යතාව පිළිබඳ පෞද්ගලිකවම සෑහීමකට පත්විය හැකිනම් පමණක්, සේවයට වාර්තා කිරීමට නොහැකි වූ දින ගණන සඳහා විශේෂ නිවාඩු අනුමැතිය සඳහා දෙපාර්තමේන්තු ප්රධානියා වෙත ඉදිරිපත් කළ යුතු බව එම චක්රලේඛයේ දැක්වේ.
මෙම විශේෂ නිවාඩු ලබාදීම නොවැම්බර් සහ දෙසැම්බර් යන මාසවලට අදාළව පමණක් සිදුකළ යුතු බව ද රාජ්ය පරිපාලන, පළාත් සභා සහ පළාත් පාලන අමාත්යාංශය දැනුම් දී තිබේ.
Comments
Post a Comment
Your comment will be visible after approval