බොලිවුඩයේ සුපිරි තරුවක් වන සල්මාන් ඛාන් සිය 60 වැනි උපන්දිනය දෙසැම්බර් 27 වැනිදා සමරනු ලැබූ අතර, මෙවර ඔහු එම විශේෂ දිනය සැමරීම සඳහා තෝරාගෙන තිබුණේ මුම්බායි නගරයෙන් බැහැරව පන්වෙල් හි පිහිටි ඔහුගේ ගොවිපළ නිවසයි. දැඩි ආරක්ෂක රැකවල් මධ්යයේ වුවද, මධ්යම රාත්රියට මොහොතකට පෙර ගොවිපළේ ගේට්ටුවෙන් පිටතට පැමිණි සල්මාන්, තමා වෙනුවෙන් දොරටුව අසල රැදී සිටි පැපරාසි මාධ්යවේදීන් සහ ඡායාරූප ශිල්පීන් හමුවීමට අමතක නොකළේය.
කළු පැහැති ටී ෂර්ට් එකකින් සහ නිල් පැහැති ජීන්ස් කලිසමකින් සැරසී සිටි ඔහු, මාධ්යවේදීන් ගායනා කළ සුබ පැතුම් ගීත මධ්යයේ රතු සහ සුදු පැහැති කේක් ගෙඩියක් කපා සිය උපන්දිනය සැමරුවේ ඉතා සැහැල්ලු ආකාරයෙනි. මෙහිදී බොහෝ දෙනාගේ අවධානය දිනාගත් කරුණක් වූයේ සල්මාන්ගේ නව පෙනුමයි; සම්පූර්ණයෙන්ම රැවුල කපා දමා ඉතා පිරිසිදු පෙනුමකින් (Clean-shaven) දර්ශනය වූ ඔහු, මෙම වෙනස සිදු කර ඇත්තේ 'Battle of Galwan' චිත්රපටය සඳහා බව වාර්තා වේ.
මෙම අවස්ථාවේදී පටිගත වූ වීඩියෝ දර්ශන සමාජ මාධ්ය ඔස්සේ වේගයෙන් හුවමාරු වූ අතර, එහි සල්මාන් ඛාන් ජ්යෙෂ්ඨ මාධ්යවේදිනියකව වැළඳගෙන ඇයගේ නළල සිප ගන්නා සංවේදී දර්ශනයක් ද ඇතුළත් විය. සල්මාන්ගේ 60 වැනි උපන්දිනය වෙනුවෙන් මුම්බායි නගරය ද එක්ව සිටි අතර, ඔහුට ගෞරවයක් වශයෙන් බන්ද්රා-වර්ලි මුහුදු පාලම (Bandra-Worli Sea Link) විදුලි ආලෝකයෙන් අලංකාර කර තිබීම විශේෂත්වයක් විය.
සාම්ප්රදායික ලෙස පවුලේ සාමාජිකයින්ට මුල්තැන දෙමින් පැවති මෙම සාදයට සල්මාන්ගේ දෙමාපියන් වන සලීම් ඛාන් සහ සල්මා ඛාන් ද, සොහොයුරිය අර්පිතා ඛාන් ෂර්මා ඇතුළු පවුලේ ළඟම ඥාතීන් පිරිසක් සහභාගී වී සිටියහ. අර්බාස් ඛාන් සහ ඔහුගේ බිරිඳ ෂුරා ඛාන් ඔවුන්ගේ අලුත උපන් දියණිය වන සිපාරා සමඟ පැමිණීමත්, රන්දීප් හූඩා, ජෙනිලියා දේෂ්මුක්, එම්.එස්. දෝනි, ටැබු සහ කරිෂ්මා කපූර් වැනි කලා සහ ක්රීඩා ක්ෂේත්රයේ සමීපතම මිතුරන් පිරිසක් ද මෙම අවස්ථාවට එක්ව සිටීමත් දක්නට ලැබුණි.
පසුගිය වසරේ තිරගත වූ 'සිකන්දර්' චිත්රපටය බොක්ස් ඔෆිස් හි අපේක්ෂිත ආදායම් වාර්තා නොතැබූ පසුබිමක වුවද, ආර්යන් ඛාන්ගේ වෙබ් කතාමාලාවක විශේෂ චරිතයක් නිරූපණය කරමින් සහ බිග් බොස් 19 (Bigg Boss 19) හි නිවේදකයා ලෙස කටයුතු කරමින් සල්මාන් සිය කාර්යබහුලත්වය තවදුරටත් රඳවාගෙන සිටී.
වීඩියෝව මෙතැනින් click here