ශ්රී ලංකාවේ ආර්ථික ප්රතිසංස්කරණ වැඩපිළිවෙළට සහාය වීම සඳහා ජාත්යන්තර මූල්ය අරමුදල තවදුරටත් කැපවී සිටින බවත්, විස්තීර්ණ අරමුදල් පහසුකම (EFF) යටතේ ක්රියාත්මක වැඩසටහනේ හයවැනි වාරිකය ලෙස අමෙරිකානු ඩොලර් මිලියන 350ක මුදලක් ඉදිරි සති දෙක ඇතුළත ශ්රී ලංකාවට ලැබෙනු ඇතැයි අපේක්ෂා කරන බවත් එහිදී අනාවරණය විය. එළඹෙන දෙසැම්බර් 15 වන දින පැවැත්වීමට නියමිත ජාත්යන්තර මූල්ය අරමුදලේ විධායක මණ්ඩල රැස්වීමේදී මේ පිළිබඳ අවසන් තීරණ ගැනීමට නියමිත අතර, සුළි කුණාටුවට පෙර පැවති පස්වන සමාලෝචනය සම්බන්ධයෙන් මේ වන විටත් කාර්ය මණ්ඩල මට්ටමේ එකඟතාවයකට පැමිණ ඇති බව කොසැක් මහත්මිය වැඩිදුරටත් තහවුරු කළාය.
මේ අතර, ආපදා තත්ත්වයෙන් පසු සහන සේවා සහ ප්රතිසංස්කරණ කටයුතු සම්බන්ධීකරණය කිරීමේ අරමුණින් මුදල් අමාත්යාංශයේදී ඉහළ මට්ටමේ පරිත්යාගශීලීන්ගේ විශේෂ හමුවක් ඊයේ පැවැත්විණි. මහ බැංකු අධිපතිවරයා සහ භාණ්ඩාගාර ලේකම්වරයාගේ ප්රධානත්වයෙන් පැවති මෙම සාකච්ඡාව සඳහා රාජ්ය තාන්ත්රික දූත මණ්ඩල, විදේශීය ණය දෙන ආයතන නියෝජිතයන් මෙන්ම රජයේ ඉහළ පෙළේ නිලධාරීන් රැසක් සහභාගී වී තිබේ. එහිදී භාණ්ඩාගාර ලේකම්වරයා විසින් සුළි කුණාටුවෙන් සිදු වූ විනාශය පිළිබඳ දළ විශ්ලේෂණයක් ඉදිරිපත් කරමින් හදිසි මානුෂීය ආධාර සහ මධ්යකාලීන මූල්ය පහසුකම්වල ඇති අවශ්යතාව අවධාරණය කළේය.
Comments
Post a Comment
Your comment will be visible after approval