අපරාධ පරීක්ෂණ දෙපාර්තමේන්තුවේ මිනීමැරුම් විමර්ශන අංශය විසින් සිදුකරනු ලබන විශේෂ විමර්ශනයකට අදාළව, හිටපු අමාත්ය ඩග්ලස් දේවානන්ද මහතා අද (26) දින එම දෙපාර්තමේන්තුව මගින් අත්අඩංගුවට ගෙන තිබේ.
මෙම අත්අඩංගුවට ගැනීම සිදුව ඇත්තේ, 2019 වර්ෂයේදී වැලිවේරිය ප්රදේශයේ බෝක්කුවක් ආසන්නයේ කැලෑබද ස්ථානයක සඟවා තිබියදී සොයාගත් පිස්තෝල වර්ගයේ ගිනි අවියක් සම්බන්ධ සිද්ධියකට අදාළවය. විමර්ශන නිලධාරීන් විසින් මෙම ගිනි අවිය සොයාගෙන ඇත්තේ සංවිධානාත්මක අපරාධකරුවෙකු වන මාකඳුරේ මදුෂ්ගෙන් සිදුකළ ප්රශ්න කිරීම් වලදී ලැබුණු තොරතුරු මතයි.
අනාවරණය වී ඇති පරිදි, අදාළ ගිනි අවිය 2001 වසරේදී යුද හමුදාව විසින් ඩග්ලස් දේවානන්ද මහතාගේ පෞද්ගලික පරිහරණය සඳහා නීත්යානුකූලව නිකුත් කර තිබූවකි. මෙම ගිනි අවියේ අංක පරීක්ෂා කිරීමෙන් අනතුරුව එය දේවානන්ද මහතා වෙත නිකුත් කර තිබූ බව තහවුරු වී ඇත.
අත්අඩංගුවට ගත් ඩග්ලස් දේවානන්ද මහතා 2025 දෙසැම්බර් මස 27 වන දින ගම්පහ මහේස්ත්රාත් අධිකරණයට ඉදිරිපත් කිරීමට නියමිතය. අපරාධ පරීක්ෂණ දෙපාර්තමේන්තුවේ මිනීමැරුම් විමර්ශන අංශය සිද්ධිය සම්බන්ධයෙන් තවදුරටත් පරීක්ෂණ සිදුකරගෙන යයි.
