මෙසේ ජීවිතක්ෂයට පත්ව ඇත්තේ මුලතිව්, විශ්වමඩු ප්රදේශයේ පදිංචිකරුවකු වන රවිචන්ද්රන් ඩිලක්ෂන් නමැති තරුණයායි.
දිළිඳුකම හේතුවෙන් රැකියාවක් සොයා යාපනයට පැමිණ සිටි මෙම තරුණයා, ඊයේ (දෙසැම්බර් 1) කුරුනගර් - පාශයූර් ප්රදේශයේ පැරණි නිවසක් කඩා බිඳ දැමීමේ කටයුතුවල නිරතව සිට ඇත.
සිද්ධිය වූ අවස්ථාවේදී, නිවසේ එක් පැත්තක තාප්පයක් කඩා ඉවත් කිරීමෙන් අනතුරුව එය කඩා වැටීමට ආසන්නව තිබූ බැවින්, තරුණයා තමන් බේරාගැනීම සඳහා කාමරයක් තුළට දිවගොස් තිබේ.
එම අවස්ථාවේදී, තවත් තාප්පයක් ඔහුගේ සිරුර මතට කඩා වැටීමෙන්, රවිචන්ද්රන් ඩිලක්ෂන් සිද්ධිය වූ ස්ථානයේම මියගොස් ඇත.
මෘත ශරීරය සම්බන්ධයෙන් සිදුකරන ලද හදිසි මරණ පරීක්ෂණය හදිසි මරණ පරීක්ෂක නමසිවායම් ප්රේම්කුමාර් මහතා විසින් සිදුකරන ලදී.
