සමාජ මාධ්ය පණිවිඩ ඔස්සේ සංවිධානය වූ තරුණ පිරිසක් පානදුර, කෙසෙල්වත්ත ප්රදේශයේ හෝටලයක පවත්වාගෙන ගිය මත්ද්රව්ය සාදයක් පානදුර උතුර පොලිසිය විසින් පෙරේදා (4) වටලනු ලැබීය. ගොරකාන ගල් කණුව පාරේ පිහිටි එම හෝටලයේ සිටි කාන්තාවක් ඇතුළු පුද්ගලයන් දස දෙනෙකු මෙම වැටලීමේදී අත්අඩංගුවට පත් වූ බව පොලිසිය තහවුරු කළේය.
මෙලෙස අත්අඩංගුවට පත් වූවන් අතර වයස අවුරුදු 25, 31, සහ 35 වැනි වයස්වල පසුවන්නන් සිටින අතර, ඔවුන් හම්බන්තොට, දෙහිවල, බොරලැස්ගමුව, ගාල්ල සහ ගල්කිස්ස වැනි දිවයිනේ විවිධ ප්රදේශවල පදිංචිකරුවන් බව වාර්තා වේ. ස
ැකකරුවන් සතුව තිබී කොකේන් සහ අයිස් යන මත්ද්රව්ය ද පොලිස් භාරයට ගෙන ඇත.
අත්අඩංගුවට ගත් දස දෙනා අතර අදාළ හෝටලයේ හිමිකරු සහ ඔහුගේ බිරිඳ ද සිටින බව පොලිසිය වැඩිදුරටත් සඳහන් කරයි. මීට පෙර අවස්ථා කිහිපයකදීම මෙම ස්ථානය වැටලීමට පොලිසිය උත්සාහ කළ ද, හිමිකරුවන් විසින් හෝටලය වසා දමා ප්රදේශයෙන් පලා ගොස් තිබූ බව උසස් පොලිස් නිලධාරියෙකු පැවසීය. එමෙන්ම, අදාළ හෝටල් හිමිකරුට සහ බිරිඳට මීට පෙර වරෙන්තු ද නිකුත් කර තිබී ඇත.
පානදුර උතුර පොලිස් ස්ථානාධිපතිවරයා වෙත ලැබුණු තොරතුරකට අනුව මෙම වැටලීම සැලසුම් කර ක්රියාත්මක කර තිබේ. සිද්ධිය සම්බන්ධයෙන් අත්අඩංගුවට ගත් සැකකරුවන්ගෙන් වැඩිදුර ප්රකාශ සටහන් කර ගනිමින් සිටින බව පොලිසිය පැවසූ අතර, ඔවුන් අධිකරණයට ඉදිරිපත් කිරීමට නියමිතව තිබිණි.
Comments
Post a Comment
Your comment will be visible after approval