උදෑසනක් ආරම්භ කිරීමට හෝ සිසිල් සන්ධ්යාවක උණුසුම ලැබීමට උණුසුම් ඉඟුරු තේ කෝප්පයකට බොහෝ දෙනෙක් දැඩි ප්රියතාවයක් දක්වති.
නමුත්, නියම රසයෙන් සහ සුවඳින් යුතු ශක්තිමත් ඉඟුරු තේ කෝප්පයක් (ඉන්දියානුවන් පවසන 'අද්රක් වාලි චායි') පිළියෙළ කිරීමේදී ඉඟුරු තලන්නේද නැතිනම් ග්රේට් කරන්නේද (සූරන්නේද) යන්න පිළිබඳව ඔබ කල්පනා කර තිබේද?
ඔබ තෝරාගන්නා ක්රමවේදය අනුව තේ පානයේ ස්වභාවය සහ සුවඳ වෙනස් වන අතර, නිවැරදි ක්රමය දැන ගැනීමෙන් ඔබගේ ප්රියතම පානය සාමාන්ය එකක සිට සැබවින්ම විශ්මිත පානයක් බවට පත් කළ හැකිය.
ඔබ ඉඟුරු තලන විට, එහි රසය සෙමින් මුදා හැරේ. එය ඔබගේ තේ කෝප්පයට මෘදු, සුවදායී උණුසුමක් එක් කරන අතර, පානය කරන සෑම උගුරක්ම සැනසිලිදායක, සන්සුන් භාවයකින් පුරවයි.
බොහෝ වීදි වෙළෙන්දන් ඉඟුරු තලා දැමීමට කැමැත්තක් දක්වන්නේ ද මෙම හේතුව නිසාය; එමගින් කිරි, සීනි හෝ තේ කොළ වල රසය යටපත් නොකර, ස්ථාවර ලෙස රසය එක් වේ. මෘදු, සිනිඳු රසයකට කැමති, කිරි සහ සීනි සමඟ මෘදු ලෙස මුසු වූ රසයක් අපේක්ෂා කරන්නන්ට තැලූ ඉඟුරු වඩාත් සුදුසු තේරීම වේ.
ග්රේට් කරන ලද ඉඟුරු මීට වෙනස් ලෙස ක්රියා කරයි. එය සියලු නැවුම් ඉඟුරු යුෂ එකවර මුදා හරින අතර, තේ පානය ඉතා සැර, තද සහ අමතර ශක්තිමත් රසයකින් යුක්ත කරයි.
ඔබ නැවුම් ඉඟුරු වල තදබල සැරට සහ ශක්තිමත් රසයට කැමති නම්, ඉඟුරු ග්රේට් කිරීම (සූරා දැමීම) අනිවාර්යයෙන්ම හොඳම ක්රමය ලෙස සැලකේ.
මීට අමතරව, ඉඟුරු එක් කරන වේලාවද මෙහිදී වැදගත් කාර්යභාරයක් ඉටු කරයි. කිරි, තේ කොළ සහ සීනි එක්ව උතුරවා, පළමු නටන අවස්ථාවෙන් පසුව, සියල්ල එකට සිඳෙමින් පවතින විට ඉඟුරු එකතු කිරීම වඩාත් සුදුසුය.
ඉඟුරු තේ යනු හුදෙක් රසවත් පානයක් පමණක් නොවේ. එය ආහාර දිරවීමේ ක්රියාවලියට උපකාරී වන අතර, හිසරදය ස්වභාවිකව හා ඵලදායී ලෙස සමනය කිරීමට ද හැකියාව පවතී.
එපමණක්ද නොව, ඉඟුරු වල අඩංගු විටමින්, ඛනිජ ලවණ සහ ඇමයිනෝ අම්ල ශරීරයේ රුධිර සංසරණය වැඩි දියුණු කිරීමට ද දායක වන බව සඳහන් වේ.
Comments
Post a Comment
Your comment will be visible after approval