ඉන්දීය වීසා, ගමන් බලපත්ර සහ කොන්සියුලර් සේවා සැපයීම සඳහා බාහිර පාර්ශ්වයක් ලෙස කටයුතු කළ 'IVS ලංකා' ආයතනය සමග පැවති ගිවිසුම අවසන් කිරීමට කොළඹ පිහිටි ඉන්දීය මහ කොමසාරිස් කාර්යාලය තීරණය කර තිබේ. නිකුත් කරන ලද නිල නිවේදනයකට අනුව, IVS ලංකා ආයතනයේ මෙහෙයුම් 2025 ඔක්තෝබර් 31 වන දිනෙන් අවසන් වනු ඇත.
ඒ අනුව, 2025 නොවැම්බර් 03 වන සඳුදා දින සිට අදාළ සියලුම සේවාවන් සෘජුවම කොළඹ ඉන්දීය මහ කොමසාරිස් කාර්යාලය, මහනුවර පිහිටි සහකාර මහ කොමසාරිස් කාර්යාලය සහ යාපනයේ පිහිටි ඉන්දීය කොන්සල් ජනරාල් කාර්යාලය මගින් හැසිරවීමට නියමිතය.
අයදුම්කරුවන් සඳහා නව වේලාවක් වෙන් කර ගැනීමේ කළමනාකරණ පද්ධතියක් මේ වන විට සකස් කරමින් පවතින බවත්, ඒ පිළිබඳ වැඩිදුර තොරතුරු නුදුරේදීම දැනුම් දෙන බවත් මහ කොමසාරිස් කාර්යාලය සඳහන් කරයි. මේ සම්බන්ධයෙන් වැඩිදුර මගපෙන්වීම් සඳහා (https://www.hcicolombo.gov.in) යන නිල වෙබ් අඩවියට පිවිසෙන ලෙස හෝ කොළඹ, මහනුවර සහ යාපනයේ පිහිටි අදාළ රාජ්ය තාන්ත්රික කාර්යාල හා සම්බන්ධ වන ලෙස අයදුම්කරුවන්ට දන්වා සිටී.
Comments
Post a Comment
Your comment will be visible after approval