කොළඹ වරායේ අදානි පර්යන්තය ආසන්නයේ බටහිර ජැටියට නුදුරු මුහුදු ප්රදේශයේ පාවෙමින් තිබූ පුද්ගල මළසිරුරක් සොයාගෙන තිබේ. මෙම සිදුවීම සම්බන්ධයෙන් ලද තොරතුරක් මත කොළඹ වරාය පොලීසිය විසින් වහාම පරීක්ෂණ ආරම්භ කර ඇත.
පොලීසිය සඳහන් කරන පරිදි, මියගොස් ඇති පුද්ගලයා අඩි පහක් පමණ උසැති අයෙකු වන අතර, ඔහුගේ හිසකෙස් මද වශයෙන් වැවී තිබී ඇත. සිරුර හඳුනාගත නොහැකි වන ලෙස නරක් වී ඇති නමුත්, ඔහු නිල් පැහැති ඩෙනිම් කලිසමකින් සැරසී සිටි බවට තොරතුරු අනාවරණය වී තිබේ.
මෙතෙක් සිදුකළ විමර්ශනවලදී මරණකරුගේ අනන්යතාවය තහවුරු කර ගැනීමට හැකි වී නොමැත. සිද්ධිය සම්බන්ධයෙන් මහේස්ත්රාත් පරීක්ෂණය පැවැත්වීමෙන් අනතුරුව, දේහය වැඩිදුර පරීක්ෂණ සඳහා කොළඹ ජාතික රෝහලේ මෘත ශරීරාගාරයේ තැන්පත් කර ඇත. කොළඹ වරාය පොලීසිය මෙම මරණය සම්බන්ධයෙන් පුළුල් විමර්ශනයක් ක්රියාත්මක කරයි.
Comments
Post a Comment
Your comment will be visible after approval