ඇමරිකාව තුළ ටික්ටොක් යෙදුමේ අනාගතය කුමක් වේද යන්න පිළිබඳව දැඩි අවිනිශ්චිතතාවක් නිර්මාණය වී තිබේ. එහි ඇමරිකානු මෙහෙයුම් පාලනය ඇමරිකානු සමාගමක් විසින් මිලදී නොගතහොත් එම යෙදුම තහනම් කරන බවට ජනාධිපති ඩොනල්ඩ් ට්රම්ප් තරයේ ප්රකාශ කර ඇත.
අදාළ ගනුදෙනුවක් සඳහා ට්රම්ප් විසින් නියම කර තිබූ කාල සීමාව සැප්තැම්බර් 17 වන බදාදායින් අවසන් වන නමුත්, මේ වන තෙක් කිසිදු අවසන් එකඟතාවකට පැමිණ නොමැත. මෙම තත්ත්වය හමුවේ,ජනාධිපතිවරයා පවසා ඇත්තේ යෙදුමේ ඉරණම තීරණය කිරීමේ ප්රධාන වගකීම චීනය සතු වන බවයි.
නිව් ජර්සි හිදී මාධ්යවේදීන් අමතමින් ජනාධිපති ට්රම්ප් කියා සිටියේ, "මට එය (තහනම) ක්රියාත්මක කරන්න පුළුවන්, සමහර විට නොකර ඉඳීවි. අපි තවමත් ටික්ටොක් ගැන සාකච්ඡා කරමින් ඉන්නේ. අපිට මේකට අවසානයක් දකින්න දෙන්න පුළුවන්, නැත්නම් වෙනත් දෙයක් කරන්න පුළුවන්. ඒක චීනය මත රඳා පවතින දෙයක්. මම මේ ගනුදෙනුව සිදුවෙනවාට කැමතියි, මොකද ළමයි මේකට කැමතියි."
"මම ආත්මාර්ථකාමීව කතා කරනවා නම්, මම ටික්ටොක් හරහා ඉතා හොඳින් ක්රියා කළා, මට ඒ හරහා තරුණ ඡන්ද විශාල ප්රමාණයක් ලැබුණා. රිපබ්ලිකන් පක්ෂයේ වෙන කිසිවෙකුටවත් ළඟා වෙන්න බැරි තරමේ සංඛ්යාවක් මම ලබාගත්තා," යනුවෙන්ද ඔහු වැඩිදුරටත් සඳහන් කළේය.
'නිව් යෝර්ක් ටයිම්ස්' පුවත්පතට අනුව,
ට්රම්ප් විසින් ලබා දී ඇති සැප්තැම්බර් 17 දිනෙන් පසුව, ටික්ටොක් යෙදුම එහි චීන හිමිකාරීත්වය දරන 'බයිට්ඩාන්ස්' සමාගමෙන් වෙන් කළ යුතුය, නැතහොත් ඇමරිකාව තුළ තහනමකට මුහුණ දිය යුතුය යන නීතිය බලාත්මක වීමට නියමිතය. කෙසේ වෙතත්, ජනාධිපතිවරයා විසින් මෙම කාල සීමාව නැවත වරක් දීර්ඝ කිරීමේ ඉඩක්ද පවතින බව වාර්තා වේ.
ජනාධිපති ට්රම්ප් මීට පෙරද අවස්ථා තුනකදී මෙම නීතිය ක්රියාත්මක කිරීම ප්රමාද කර ඇත. ටික්ටොක් යෙදුම තහනම් කිරීමට හෝ ඇමරිකානු ගැනුම්කරුවෙකුට විකිණීමට බල කරන පනතක් පසුගිය වසරේදී ඇමරිකානු කොංග්රසය විසින් ද්විපාර්ශ්වික එකඟතාවයෙන් සම්මත කරන ලදී. ඇමරිකානු බලධාරීන්ගේ ස්ථාවරය වන්නේ මෙම සමාජ මාධ්ය යෙදුමේ චීන සබඳතා හේතුවෙන් එය එක්සත් ජනපදයේ ජාතික ආරක්ෂාවට තර්ජනයක් වී ඇති බවයි.
Comments
Post a Comment
Your comment will be visible after approval