රාජ්ය කුමන්ත්රණයක් සැලසුම් කිරීමේ චෝදනාව මත නඩු විභාගයකට මුහුණ දෙන බ්රසීලයේ හිටපු ජනාධිපති ජෙයාර් බොල්සොනාරෝ, නිවාස අඩස්සියට පත් කරන ලෙස එරට ශ්රේෂ්ඨාධිකරණය නියෝග කර තිබේ. පූර්ව නඩු විභාග අවධියේදී පනවා තිබූ කොන්දේසි උල්ලංඝනය කිරීම හේතුවෙන් විනිසුරු ඇලෙක්සැන්ඩ්රේ ද මොරායස් විසින් ඊයේ (04) මෙම තීන්දුව ලබා දී ඇත.
2023 ජනවාරි මාසයේදී, ජනාධිපති ලුයිස් ඉනාසියෝ ලූලා ද සිල්වාගේ මැතිවරණ ජයග්රහණය ප්රතික්ෂේප කරමින් ජාතික කොංග්රසය ඇතුළු රාජ්ය ගොඩනැගිලිවලට කඩාවැදී ප්රචණ්ඩ ක්රියාවල නිරත වීමට ආධාර අනුබල දීම,
සන්නද්ධ අපරාධ කණ්ඩායමකට නායකත්වය සැපයීම සහ කුමන්ත්රණකාරී ක්රියාවල නිරත වීම යන චෝදනා ඔහුට එල්ල වී තිබේ.
මෙම අධිකරණ නියෝගය යටතේ, බොල්සොනාරෝ අධිකරණයේ සෘජු නිරීක්ෂණයට ලක් කෙරෙන අතර, ඔහුව හමුවීමට අවසර හිමිවන්නේ ඔහුගේ සමීප ඥාතීන්ට සහ නීතිඥයින්ට පමණි. තවද, ඔහුගේ නිවසේ ඇති සියලුම ජංගම දුරකථන අධිකරණ භාරයට ගැනීමට නියමිතය. මෙම චෝදනාවලට වරදකරු වුවහොත්, හිටපු ජනාධිපතිවරයාට වසර 12ක් දක්වා සිර දඬුවමක් නියම විය හැකිය.
විනිසුරු ඇලෙක්සැන්ඩ්රේ ද මොරායස් ප්රකාශ කර ඇත්තේ, හිටපු ජනාධිපතිවරයා ශ්රේෂ්ඨාධිකරණයට එරෙහිව ප්රහාර දිරිගන්වමින් සහ බ්රසීලයේ අධිකරණ කටයුතුවලට විදේශ මැදිහත්වීම් සඳහා සහයෝගය දෙමින් රාජ්ය තාන්ත්රික ගැටුමක් නිර්මාණය කර ඇති බවයි. බොල්සොනාරෝගේ සමීපතමයෙකු වන හිටපු එක්සත් ජනපද ජනාධිපති ඩොනල්ඩ් ට්රම්ප්,
මෙම නඩුව නතර කරන ලෙස බ්රසීලයට නියෝග කරමින් 50%ක තීරු බද්දක් පනවා ඇති බවද වාර්තා වේ.
මෙම ක්රියාවට ප්රතිචාර දක්වමින් වත්මන් ජනාධිපති ලුයිස් ඉනාසියෝ ලූලා ද සිල්වා පවසා ඇත්තේ, ට්රම්ප් යනු ඇමරිකාවේ ජනාධිපති මිස 'ලෝක අධිරාජයා' නොවන බවයි. බ්රසීලයේ අධිකරණය ස්වාධීන බවත්, එහි තීන්දු තීරණවලට කිසිවෙකුටත් මැදිහත් විය නොහැකි බවත් ඔහු අවධාරණය කර තිබේ.
Comments
Post a Comment
Your comment will be visible after approval