නි‍ෙවසේ සූදු පොළක් පවත්වාගෙන ගිය ඉපලෝගම ප්‍රාදේශීය සභාවේ සමගි ජන බලවේගයේ මන්ත්‍රීවරයෙක් සහ නි‍ෙවසේ සූදුවේ නිරතව සිටි 14 දෙනෙක් ඉපලෝගම පොලීසියේ නිලධාරීන් විසින් අත්අඩංගුවට ගනු ලැබ තිබේ.
නි‍ෙවස පරීක්ෂා කිරීමේදී අධිශීතකරණයක දමා තිබුණු දඩමස් කිලෝ 7ක් ද පොලීසිය විසින් සොයාගන්නා ලදි. සැකකාර මන්ත්‍රීවරයා ඇතුළු පිරිස ඊයේ (05) කැකිරාව මහේස්ත්‍රාත් අධිකරණයට ඉදිපත් කිරීමට පොලීසිය පියවර ගෙන තිබිණි. එහිදී සැකකරුවන් වරද පිළිගත් බැවින් දඩ මුදල් නියම කර නිදහස් කර තිබේ. එහෙත් අදාළ මන්ත්‍රීවරයා තඹුත්තේගම විශේෂ අපරාධ විමර්ශන කාර්යාංශය මඟින් සිදුකරන මුදල් වංචාවක් සම්බන්ධ වූ නඩුවකට අදාළව අත්අඩංගුවට ගැනීමට අවශ්‍යව සිටි පුද්ගල‍ෙයක් වූ බැවින් ඒ බව පොලීසිය අධිකරණයට දැනුම් දී තිබේ.
ඒ අනුව මේ මස 12 වැනි දින දක්වා ඔහු රක්ෂිත බන්ධනාගාරගත කිරීමට අධිකරණය නියෝග කර ඇත.
මෙලෙස රක්ෂිත බන්ධනාගාරගත කෙරුණේ ඉපලෝගම ප්‍රාදේශීය සභාවේ මන්ත්‍රීවරයකු වන, ඉපලෝගම, පුංචිකුලම පදිංචි අජන්ත බියගම නමැති අයයි.
මන්ත්‍රීවරයාගේ නි‍ෙවසේ පවත්වාගෙන යන සූදුපොළ සම්බන්ධයෙන් ඉපලෝගම පොලීසියේ ස්ථානාධිපති පොලිස් පරීක්ෂක ප්‍රසාද් ඒකනායක මහතාට ලැබුණු තොරතුරකට අනුව, කැකිරාව මහේස්ත්‍රාත් අධිකරණයෙන් සෝදිසි වරෙන්තුවක් ලබාගෙන පොලිස් විශේෂ කාර්ය බළකාය හා පොලිස් නිල සුනඛයින් යොදා ගනිමින් පෙරේදා (04) මෙම වැටලීම කර තිබේ.
එම නි‍ෙවස වටා අඩි 10කට වැඩි උසකින් තාප්පයක් ඇති බවත් එම තාප්පයට ගැළපෙන ප්‍රමාණයේ විශාල ගේට්ටුවක්ද තිබෙන බව පොලීසිය සඳහන් කරයි. පිටතින් කිසිවෙකුටත් බැලූ බැල්මට නි‍ෙවස පිහිටි භූමිය නොපෙණෙන ලෙස මෙසේ උස් තාප්පයක් ඉදිරිකර ඇති බව පොලීසිය සඳහන් කරයි. නි‍ෙවස වටාත් එහි ඇතුළත් ආරක්ෂක කැමරා සවිකර තිබී ඇතැයි පොලීසිය සඳහන් කරයි. කාලයක් තිස්සේ රහසිගතව මෙම නි‍ෙවසේ සූදුපොළ පවත්වාගෙන ගොස් ඇති බවට තොරතුරු ඇතැයි පොලීසිය සඳහන් කරයි. පොලීසිය වැටලීම සිදුකරන විටත් සූදුපොළ ක්‍රියාත්මක වෙමින් තිබී ඇත.
Comments
Post a Comment
Your comment will be visible after approval