නීති විරෝධී මැණික් ජාවාරමක නිරත වූ චීන ජාතිකයන් පස් දෙනෙකු ඇතුළු දස දෙනෙකුගෙන් යුත් කණ්ඩායමක් රත්නපුර, තිරුවාණාකැටිය ප්රදේශයේදී අත්අඩංගුවට ගැනීමට පොලිස් විශේෂ කාර්ය බළකායේ කහවත්ත කඳවුරේ නිලධාරීහු සමත් වූහ. මෙම සැකකරුවන් අතර චීන ජාතික කාන්තාවක් ද වන අතර, සෙසු පස්දෙනා ශ්රී ලාංකික පතල් කම්කරුවන් බවට හඳුනාගෙන තිබේ.
පොලිස් විශේෂ කාර්ය බළකා සේනා විධායක, නියෝජ්ය පොලිස්පති සමන්ත ද සිල්වා මහතා හෙළිදරව් කළේ,
මෙම කණ්ඩායම බලපත්ර කාලය ඉක්මවූ පතලක් පවත්වාගෙන යමින්, ඉන් ගොඩගත් බව පවසා ව්යාජ මැණික් අලෙවි කිරීමේ ජාවාරමක නිරතව ඇති බවයි. මෙලෙස දේශීය හා විදේශීය ව්යාපාරිකයන් රැවටීම සඳහා ඔවුන් පාට කරන ලද ගල් සහ වීදුරු කැබලි යොදාගෙන ඇත.
පසුගිය 24 වන දා සිදුකළ මෙම වැටලීමේදී, ව්යාජ ලෙස සකස් කරන ලද මැණික් ලෙස සැලකෙන ගල් කිලෝග්රෑම් හයක් සහ ග්රෑම් 32ක් පොලිස් භාරයට ගෙන තිබේ. ඊට අමතරව, සැකකටයුතු චීන යුවාන් 100 වර්ගයේ නෝට්ටු 4000ක්, ලැප්ටොප් පරිගණකයක්, අයිපෑඩ් උපාංගයක් සහ ජංගම දුරකථනයක් ද අත්අඩංගුවට ගත් භාණ්ඩ අතර විය.
මෙරටට නීති විරෝධී ලෙස තීරුබදු නොගෙවා රැගෙන ආ දුම්වැටි 1400ක් ද සැකකරුවන් සතුව තිබී සොයාගෙන ඇත. සිදුකළ මූලික විමර්ශනවලදී, අත්අඩංගුවට පත් චීන ජාතිකයන් සංචාරක වීසා මත මෙරටට පැමිණ මෙම ජාවාරමේ නිරතව ඇති බවට කරුණු අනාවරණය වී තිබේ.
Comments
Post a Comment
Your comment will be visible after approval