දක්ෂිණ අධිවේගයේ මිනි වෑන් අනතුරින් මියගියේ ඉතාලියේ සිට පැමිණි කාන්තාවන් දෙදෙනෙක් - පිපුරුනේ පසුපස ටයර​ය

දක්ෂිණ අධිවේගී මාර්ගයේ 175 වන කිලෝමීටර් කණුව ආසන්නයේදී පසුගිය සෙනසුරාදා (27) සවස වෑන් රථයක් අනතුරට ලක්වීමෙන්, ඉතාලියේ සිට නිවාඩුවක් සඳහා ශ්‍රී ලංකාවට පැමිණි කාන්තාවන් දෙදෙනෙකු එම ස්ථානයේදීම මියගොස් තිබූ අතර වැඩිදුර තොරතුරු මරණ පරීක්ෂණයේදී අනාවරණය විය.

ඊයේ (28) අඟුණුකොළපැලැස්ස ප්‍රාදේශීය රෝහලේදී පැවති හදිසි මරණ පරීක්ෂණයේදී අනාවරණය වී ඇත්තේ, වෑන් රථය අධික වේගයෙන් ධාවනය කිරීමේදී එහි පිටුපස ටයරයක් පුපුරායාමෙන් පාලනය කරගත නොහැකිව ආරක්ෂිත වැටෙහි ගැටීමෙන් අනතුර සිදුව ඇති බවයි. අඟුණුකොළපැලැස්ස හදිසි මරණ පරීක්ෂක එම්.ආර්.ඊ.පී. රත්නායක මහතා ඉදිරියේ මියගිය ඥානවතී මහත්මියගේ බෑණනුවන් වන හේවාගමගේ සිරිවර්ධන මහතා මෙම සාක්ෂිය ලබා දුන්නේය.

ඥාන­වතී පුංචි අම්මා, නිලූකා නංගී, බාප්පා ඇතුළු හය දෙනෙක් වෑන් එක­කින් 27 දා පාන්දර කත­ර­ගම යන්න පිට­ත්වුණා. හවස 5.45ට විතර චමින්ද කියලා මල්ලි කෙනෙක් කෝල් කරලා, ලොකු අයියේ දන්න­වාද වැඩක්. හයිවේ එකේදී වෑන් එක හැප්පිලා පැටි අම්මයි, පොඩි දුවයි එතැ­නම නැති­වෙලාÓ කියලා මට කීවා යැයි දක්ෂිණ අධි­වේගී මාර්ගයේ 175 කිලෝ­මී­ටර් කණුව අසල සිදුවූ රිය අන­තු­රින් මිය­ගිය කාන්තා­වන් දෙදෙ­නාගේ හදිසි මරණ පරී­ක්ෂ­ණ­යේදී සාක්ෂි දුන් දෙනි­පි­ටිය, වර­කා­පි­ටිය පදිංචි හේවා­ග­මගේ සිරි­ව­ර්ධන මහතා (අවු :50) පැව­සීය.

ඉකුත් 27 දා සවස 5.30ට පමණ සිදුවූ මෙම අන­තු­රින් මිය­ගොස් තිබුණේ දෙණි­පි­ටිය, වර­කා­පි­ටිය පදිංචි හේවා­ග­මගේ ඥාන­වතී (අවු : 69) සහ තිබ්බො­ටුව ගමගේ නිලූකා දම­යන්ති (අවු : 49) යන විවා­හක කාන්තා­වන් දෙදෙ­නාය. මොවුන් ඉතා­ලියේ පදිං­චිව සිට පසු­ගි­යදා නිවා­ඩු­වක් ගත කිරී­මට ලංකා­වට පැමිණ ඇතැයි මරණ පරී­ක්ෂ­ණ­යේදී අනා­ව­ර­ණය විය.

 සාක්ෂි­කරු මෙසේද පැව­සීය.


“මිය­ගොස් සිටින්නේ මගේ නංගී නිලූකා දම­යන්ති සහ මගේ මවගේ නංගී (පුංචි අම්මා) ඥාන­වතී යන දෙදෙ­නායි. පුංචි අම්ම­ලයි ගෙදර ඉකුත් 20 දා දාන පින්ක­මක් තිබුණා. දානය දීලා දවස් දෙක­කට පස්සේ කත­ර­ගම යන්න කතා කර­ගත්තා. පුංචි අම්මා මගෙ­නුත් ඇහුවා ‘ලොකු පුතේ කත­ර­ගම යන්න එන­වද’ කියලා. මගේ දරුවා ලෙඩ වෙලා නිසා එන්න බැහැ කියලා මම කිවුවා. 27 අලු­යම පුංචි අම්මා, බාප්පා, මගේ නංගී නිලූකා, මගේ මාමා කෙන­කුගේ දුවෙක් හා එයාගෙ දුවෙක්, රියැ­දුරු ඇතුළු හය දෙනකු කත­ර­ගම යන්න පිටත් වුණා. සිද්ධිය වූ දිනේ හවස 5.45ට විතර චමින්ද මල්ලි කෝල් කරලා සිදුවූ අන­තුර ගැන කිවුවා. මා අන­තුර සිදුවූ තැනට යන්න පාරට ආවා.

වෑන් එකේ ආපු අපේ අනෙක් කට්ටිය තුවාල වෙලා කියලා දැන­ගත් නිසා එයාල බල­න්නයි හම්බ­න්තොට මහ­රෝ­හ­ලට ගියේ. එයා­ලගේ සුව­දුක් බලලා රෑ 12ට විතර අඟු­ණ­කො­ළ­පැ­ලැස්ස රෝහ­ලට ආවා. මෘත­ශ­රී­රා­ගා­ර­යට ගිහින් බලලා පුංචි අම්මාගේ සහ නංගිගේ දේහ­යන් හඳු­නා­ගත්තා. රිය පැදවූ මහ­ත්තයා අධික වේග­යෙන් ඇවිත් වාහ­නයේ පිටු­පස දකුණු පැත්තේ රෝද­යක් පුපුරා ගොස් ආර­ක්ෂිත වැටේ වැදී මෙම අන­තුර සිදු­ව­න්නට ඇතැයි මා සිත­නවා.” 
කතරගම වන්දනාවේ යමින් සිටි හයදෙනෙකුගෙන් යුත් කණ්ඩායමක් මෙම අනතුරට මුහුණ පා ඇති අතර, මියගිය දෙදෙනා නැන්දණිය සහ ලේලිය බවද විමර්ශනවලදී හෙළිවිය. අනතුරින් තුවාල ලැබූ සෙසු පිරිස හම්බන්තොට මහ රෝහලට ඇතුළත් කර තිබේ.

මියගිය කාන්තාවන් දෙදෙනා පසුගිය 20 වනදා පැවති දಾನමය පිංකමකින් අනතුරුව මෙම කතරගම වන්දනා ගමන සැලසුම් කර ඇති බවද සාක්ෂි විභාගයේදී වැඩිදුරටත් අනාවරණය විය. අඟුණුකොළපැලැස්ස පොලීසිය සිද්ධිය සම්බන්ධයෙන් පරීක්ෂණ පවත්වයි.